الإثنين , يونيو 8 2020
رفعت رشدى
رفعت رشدى

دكتور رفعت رشدى يكتب : زمن الإهتزاز الرخيص

أنا مهتز أنا مش موزون

أنا مختل أنا .. أنا مجنون

أنا معتل وأنا ملعون

دى شهادة هاهرتل بيها

واقتل وادبح وشحنات كراهية أفضيها

واحرق وافجر واخطف واطفيها لياليها

هى دى رخصة معايا فى جيبى

الطب الشرعى والله حبيبى

أنا مهتز وأنا مختل مش كدا برضه ياقريبى

وأنا كمان معتل ونفسى مهزوزة ودا نصيبى

 

هى هزة وأنا كسبان

ولو مت أنا شهيد ولىّ …أجر كبير أرضى الديان

الطب الشرعى معايا والقاضى

براءة فى إيدى ياسيدى وأنا راضى

دا اتعلمته فى الكتاتيب

كراهية وحقد وتخريب

أنا مختل وأنا عيان

وانا إنسان لكن اعمل إيه لابسنى شيطان

دى ثقافة وعلمهالى الشيخ حسان

أى مخالف لىّ فى دينى كافر وقتله ثواب وإحسان

وأجر كبير فى الجنة وقصر وحور وأكل شهى وغلمان

وانتى بتحاسبينى يا حكومة وسايبة البكتريا فى أمان

مش بس أنا دا كتير أوى غيرى

وانتى عارفة وراضية وساهية عن الخرفان

يطحنوا بعض سياسة لئيمة عقيمة قديمة تودى لومان

ونلهيهم واحنا بنتفرج ودماغنا آخر روقان

كله علينا !! الشيلة تقيلة يامصريين

فوقوا كفاية لعب عيال خلينا عايشين

ربنا مش بيحب الدم

ولو كان هو الدين بيعلم يبقى عتبنا ع الديان

…… رفعت رشدى ……

ربما تحتوي الصورة على: ‏‏‏شخص أو أكثر‏ و‏أشخاص يقفون‏‏‏

شاهد أيضاً

د. عاطف المصري

بدون تطبيل

سبق وعلمنا أن القياده السياسيه رصدت مبلغ مائة مليار جنيها لأزمة كورونا و ظلت تنادي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *