الأحد , ديسمبر 8 2019
الرئيسية / مقالات واراء / ( المسيحى مضطهد فى الدراسة )
محمد فتحى

( المسيحى مضطهد فى الدراسة )

 

أمسك القلم و أفتح الكراسة
أكتب فيها كل اللى أنا هحكيه
المسيحى مضطهد فى الدراسة
أستنى أسمع منى هقولك ليه

أول ما تدخل المدرسة هتشوف
شنودة و حنا فى آخر الفصل
انا بكتبها و من غير خوووووف
كأنهم صهاينة جنسية و أصل

مجبر فى اللغة العربية
على حفظ آيات من القرآن
هو موافق على الحكاية دية
لكن تنضاف أيات الإنجيل كمان

فى حصص الدين بتلاقى
المسيحى قاعد على التراب
سايب فصله برئ أبتدائي
هو و اخواته زى الاغراب

ياريت حد يفهمني القصة
لأنى بقيت زى المجانين
أشمعنا فى دى الحصة
ينقسم الفصل على أتنين

الدين بيجمع مش بيفرق
عيب يا دولة كفاية تشتيت
واحد يغرب التاني يشرق
ولا أنتي عايزاها تفتيت

مستحيل أبدا ينعدل الحال
طول ما المسيحي مظلوم
أرجوكي ردي علي السؤال
حق المسيحي ليه مهضوم

يا وزارة التربية و التعليم
ساوي ما بين الطلاب
كفاية بقي فكر عقيم
ولا عايزة مصر خراب

كلمات : محمد فتحى

شاهد أيضاً

رأفت جندي يكتب: حوار مع ملحد

قال لي صديقي الملحد، كيف تؤمن بأن المسيح هو الله في الجسد وهو قد قال …

2 تعليقان

  1. تصدق انت بالله
    مافى واحد ف مصر واخد حقه زى أقل اقل مسيحى مزعلك اوووى انت اللى بيحصل ف المدارس
    اللى هو اصلا مش بيحصل زى مانت بتحكى كدة
    ياريت ماتحسسنيش انك انت بس اللى كان معاك قبطيين ف مدرستك
    اتقى الله ياخى
    اومال لو ماكنتش محمد
    سبت ايه انت كدة لشنودة وحنا يقولوه

  2. انا معلمه و اقول لك هذا لا يحدث مطلقا بل العكس…كفايه زرع فرقه و ايقاظ فتن لعن الله من ايقظها..اتق الله يا شاعر مضطهد

اترك رداً على أبو غزالة إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *