الجمعة , نوفمبر 8 2019
الرئيسية / مقالات واراء / ماجدة سيدهم تكتب : كاهن الفيس بوك السلفي

ماجدة سيدهم تكتب : كاهن الفيس بوك السلفي

بالنسبة لموضوع الكاهن السلفي المزيف اللي عمل شغل عالي أوي مع ستات كتير على الفيس بوك بحجة انه أب اعتراف محترف .. .

طيب شوية كدا مع بعضينا ياحبايب

أولا ..النسوان دي جزء من مجتمع واقع ومنحط أوي … يعني لما ست تدخل الفيس وتعلمي فيها تاسوني وتقبل كل واحد عامل بتاع سبح ولا مطانيات وسحنة أمه بتقول إنه سلفي قح ..وتعترف كمان على الإنبوكس ..اعتراف إيه دا يامه ..تبقى دي نسوان عاوزة تتلم وعاوزة الحرق وتستاهل اللي يجرا لها ..

لما قولت قبل كدا في مقال اننا لا نمارس سر الاعتراف لكن إحنا مجرد بنحكي ونفضفض عن مشاكلنا الأسرية وخلافاتنا الزوجية…يعني عاوزين حد يسمعنا بس.. ماكنتش غلطانة

ثانيا ..مين اللي قال إن كل اللي اتعاملوا معاه ستات ..هو يعني حد شايف حد .. دا مجتمع مكبوت وبيفضفض عن أزمته وحرمانه وعقده في السر ..يعني ممكن جدا يكون فيه مسلمات داخلين بأسماء وهمية وأهو يتسلوا شوية عليه ..

ويمكن فيه رجالة كمان داخلين على أنهم مسيحيات لمجرد الفرجة على كلام الكاهن السلفي معاهم ..مجتمع زي الفل و مناضل أوي وقد المسؤولية أوي علشان يبني بكرا طبعا ….

وأنا ابصم بالعشرة إن الحوار بينهم أغلبه أبيح وقذر كمان ..

..ازاي النسوان دي سمحوا لنفسهم يتحطوا في موقف رخيص ويستمروا في الرخص الا إذا كانو اكتشفوا إنه مزيف لكن عجبتهم اللعبة وعجبهم الكلام المبتذل بحجة إنه اعتراف .. بدليل ماشفناش واحدة محترمة طلعت ونطقت بحرف واحد بعد ما انكشفت الفضيحة على الميديا …جالهم خرس فجائي ..مجتمع وقيع وجعان مش للجنس لاء ..لكن للابتذال والعفانة ..

السؤال ..ياترى ياحضرات النسوان الرخيصة انتو من أي فئة.. من بتوع حقوقي والمساواة وصوت المرأة ثورة..ولا من بتوع الأقلية والاضطهاد وإرادة ربنا ولا بتوع الفقر والجهل والظروف هي السبب ولا من بتوع الوداعة وأبونا قال والعفريت قال ..

أظن كفاية دفاع عن ستات تافهة ومراهقة لمجرد إنها عاوزة تسمع لها كلمتين يرضو ا غرورها .. لو عاوزة تروح السكة التانية مع ألف سلامة وتاخد معاها عشرومية غيرها..هي االبلد ناقصة خيابة

أما جناب السلفي الكاهن الأهبل ..الفاشل حتى في التقليد والتزوير .. إيه النجاح اللي حققته يامحترم في الحياة غير إنك تشبع هوسك الجنسي بأنك تتلصص على أسرار فشل غرف النوم ..على فكرة ملايين غيرك في العالم صنعوا اضافة وحضارة مشرفة في الحياة ..أنت بقى إيه ..!

للأسف مجتمع مكبوت ومفضوح جنسيا ومأزوم نفسيا وقليل القيمة وقليل الرباية ..مجتمع فاشل بكل المقاييس .كل هدفه يتفرجوا على بعض ملط..

النضافة تبدأ من نضافة المخ والقلب ..لاتقولي كنيسة ولا جامع . الثقافة والفنون هي اللي حاتغسل المجتمع دا غسل ..

كفاية قرف ..

ربما تحتوي الصورة على: ‏‏شخص واحد‏، و‏‏يبتسم‏، و‏‏‏لحية‏ و‏نص‏‏‏‏‏

ربما تحتوي الصورة على: ‏‏شخص واحد‏، و‏‏لحية‏‏‏

ينتحل صفة قس مسيحى ويغرر بالفتيات والسيدات المسيحية

وسائل التواصل كارثة ومصيبة ..برجاء عدم إضافة أى أب كاهن أو أى أشخاص على الفيس أو الماسنحر أو الواتس أب بدون سابق معرفة شخصية ..كفاكم من العبط والهبل .أنتم فريسة سهلة للأصطياد

Posted by Not for the return of Mercy and terrorism on Thursday, November 15, 2018

شاهد أيضاً

يا سادة رفقا بعائلة مجدي مكين

بقلم / محفوظ مكسيموس تباينت ردود الفعل تجاه عائلة مجدي مكين الذي قُتل علي يد …

2 تعليقان

  1. فين المقال حضرتك بتشتمى بس يعنى اى صايع على اى قهوة أو تحت أى كوبري يكتب مقال زى ده وأفضل كمان .حتى لو الموضوع مجرد نقل لخبر ايه كمية الشتيمه دى. مين اللى قالك ان الصحافة شتيمه بس وبعدين ايه الفرق بينك وبينهم كده

  2. ايهاب الحصري

    واضح جدا من تعليقك وكتابتك انك مهذبه ومن بيئه محترمه ههههه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *