السبت , ديسمبر 1 2018
الرئيسية / مقالات واراء / ( يا بسملة أستاذك مليان عنصرية )

( يا بسملة أستاذك مليان عنصرية )

 

طفلة و لونها أسمر
مالك أنت و مال لونها
معندكش ريحة الأحمر
كلامك كسر عيونها

أعرب لك بسمة طفلة سوداء
جملة قذرة من مدرس جاهل
كلها عنصرية من الألف للياء
قالها حتت مدرس ولا يستاهل

أزاي تعاير البنت بالسمار
كأن لونها الأسود حاجة معيبة
أنت فعلا حتت مدرس حمار
جاتك ستين 1000 خيبة

كسرت ليه نفس البنت
يالي ينكسر عمودك
خلاص أنكشفت و بنت
العنصرية مالية جذورك

ده السمار نص الجمال
خفة و دم و كمان روح
أنت لا قدوة ولا حتي مثال
أنت علي مزبلة التاريخ تروح

يا بسملة أستاذك مليان عنصرية
لا ليها آخر ولا ليها حتي حدود
اللي يهين البشرة السمرة النوبية
مكانه بننا مالوش أي وجود

يا بسملة أستاذك مريض
ولا ليه حتي أيها دواه
أكتبها و بالخط العريض
رد ربنا أسرع من الهوا

أنت نسيت شادية لما قالت
ماشفش الأولاد السمر الشداد
بسملة دي اللي دمعتها سالت
دي بنتهم و هما أعظم أجداد

كلمات : محمد فتحى

شاهد أيضاً

عاهات فيسبوكية للكاتبة ريم أبو عيد قريبا بالمكتبات

كتب عصام ابو شادي تستعد الكاتبة والروائية والسيناريست ريم أبو عيد لإصدار مؤلفها الثامن وطرحه بالمكتبات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *