الجمعة , يناير 4 2019
الرئيسية / مقالات واراء / حلوات العيد : للأديبة والشاعرة ماجدة سيدهم
ماجدة سيدهم

حلوات العيد : للأديبة والشاعرة ماجدة سيدهم

بناويت كل سنة وأنتو الحبيبات ..طيبات وحلوات و فرحانات ..ساعات ويبدأ مارثون الاحتفال بعيد الميلاد ..جميعنا يستعد لنكون في أجمل وأشيك صورة..الوقت بيجري مابين اختيار أفضل الموضات ..الكوافير .المكياج والإكسسوار والحذاء و..

الاهتمام بمظهرنا واجب علينا وحق لنا .. وعارفة أد إيه انتو بنات زي الفل ومهذبات .. لكن بلاش المبالغة اللي هي الأڤورة لأنها بتقلب ضد خالص ..دا احتفال بالكنيسة مش مهرجان أستعراضي أو عرض دي فيليه .. حتى لو فعلتي فرجاء دخلنا الكنيسة يبقى نركز شوية لأن الحركة الكتير،(طالعين دخالين ) بتعطي انطباع سيء بعدم النضج ولفت النظر والتشويش .

صدقيني البساطة سحر يؤكد على حضورك في ألطف صورة ..البساطة تؤكد على الأنوثة والإشراق ….وخلي بالك ماحد حايواجهك بوضوح لكن حايكون فيه نظرة استغراب واستياء غير محببة ..

*حاجة تانية مهمة ..مش لازم أبدا نشتري لبس جديد كل سنة ونرهق أهالينا بعبء الأسعار المغالى فيها .. ..تقدري بذوقك الحلو تضيفي حاجات بسيطة على لبس عندك وصدقيني عن تجربة وتجارب كتير ومتكررة حايكون أكتر من رائع ..وحتى لو ارتديتي ملابس السنة الماضية ..إيه المشكلة ..!..ثقتك بنفسك حاتخليكي برنسيس حقيقي ..

*أجمل شيء في الدنيا العيلة والأصحاب والستر .. وعلشان كدا ياحلوات ماتنسوا تسألوا عن أي حد عايش وحده أو حايقضي العيد من غير مايكون معاه حد ..أو أي مشرد أو مطرود أو هربان أو جعان أو باكي وخايف وبردان ..فرحوهم بسؤالكم عنهم . روحوا لحد عندهم ….خبطوا البيبان وطلوا على الأرصفة.. فتشوا عن المذود بجد ..قدموا لهم الاهتمام والشركة حتى لو بدقايق … طمنوهم ..طبطبوا على وحدتهم وخوفهم وشجعوهم أنهم محبوبين ومش منسيين أبدا وأنهم غاليين جدا على قلب الله .. وفي صلاتكم حطوهم كلهم قدام طفل بيت لحم ماتنسوا حد..

شكرا ياحلوات ..

شاهد أيضاً

عبءُ الأديان!

  مختار محمود لا شكَّ أن اللهَ خلق الأديان وأرسل الأنبياء والرسل، لهداية الناس وإخراجهم …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *