الإثنين , أكتوبر 7 2019
الرئيسية / أخر الاخبار / كيفية استيراد سيارة مالك أول من أوربا بنفسك بعيداً عن التجار

كيفية استيراد سيارة مالك أول من أوربا بنفسك بعيداً عن التجار

محمد_السيد_طبق

اذا كنت تبحث عن الإجراءات الكاملة والشروط لاستيراد سيارة مالك أول من  أوربا واجراءات  جمركتها فى مصر بعيدا عن التجار

فتابع معنا المقال التالى والذي نوضح فيه بالتفصيل ماهو مطلوب

 خطوات تتبعها  بدل ما تقع في جشع تاجر السيارات هنا في مصر

– لازم السيارة تكون بشهادة منشأ اتحاد أوربى.

– لازم تحصل علي (برفورما انفويس) فاتورة مبدئية يعنى ودي بتكون يا أما فاتورة شاملة سعر الشحن أو لا وده بيكون مذكور في الفاتورة

– فوب (يعنى على ظهر المركب فى ميناء الشحن)

او

– سيف (يعنى واصل إسكندرية متضمن سعر الشحن والتأمين)

– تأخذ المستندين(اللي ذكرتهم فوق) دول وصورة بطاقتك وعلى البنك وتفتح حاجة اسمها إعتماد مستندى بناء علي هذه المستندات  حيتم فتح الإعتماد.

هتبعته للى حتشترى منه هناك في أوربا (صاحبك ابن عمك هيتوسطلك في القصه دي هناك) أول ما يشحن العربية ويبعت المستندات الأصلية للبنك مباشرة البنك يحول الفلوس.. مابعتش يبقا مفيش تحويل.

– معاك حاليا مستنداتك بعد الدفع تطلع أنت على جمرك السيارات اللى فى مطار القاهرة.. قبل البوابات تدخل يمين ، اسأل على جمرك السيارات قبل الكارتة ..  تقولهم عايز اعمل إفراج مسبق. إفراج اية؟؟ إفرج مسبق؟؟… ودى مستنداتى.

– الجمرك حيحدد الرسوم والضريبة وكل المصاريف تدفع كل المصاريف وتأخذ إذن الإفراج الجمركى المبدئى .

– لما توصل العربية الميناء تدخل الميناء وتبحث عن أى مستخلص لتضع أسمه على الورق وكل اللى حيعمله معاك حيفتحلك شهادة.

– بالشهادة دي تروح  الجمرك يأخدوا بصمة الشاسية والموتور زى ما بيحصل فى الفحص كده فى المرور أول ما يلاقيها مطابقة يعملك إفراج نهائى وتستلم عربيتك.

المهم نقطع صوابع التوكيلات المفترية دي ونسعي نجيب حاجتنا بايدينا..

 ممكن تبيع السيارة.. وتشترى واحدة تانية.. وممكن عادى برضوا تشترى واحدة تانية وانت معاك الأولى بس موديل مختلف .

شاهد أيضاً

تسمم أسرة بأكملها بعد وجبة فسيخ في البحيرة ..

أمل فرج استقبل قسم السموم بمستشفى كفر الدوار العام، اليوم، ٣ أشخاص من أسرة واحدة، إثر …

2 تعليقان

  1. ولو انا اشتريت سياره أوربية المنشأ ولكن من دول الخليج ما هو وضعها

  2. ولو انا اشتريت سياره أوربية المنشأ ولكن من دول الخليج ما هو وضعها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *