الخميس , مارس 28 2024
خليها تصدى

موزع سيارات تعليقاً على حملة خليها تصدى “اتقوا الله حتخربوا بيوتنا” .

قال  خالد حميدو، أحد موزعى السيارات، إن هناك هبوط فى أسعار السيارات بتطبيق الشريحة الأخيرة من التخفيضات الجمركية على السيارات ذات المنشأ الأوروبى، وهو ما يعرف بـ “زيرو جمارك”، ولكن ذلك لا يعنى أن السيارات ستنخفض أسعارها بنسبة 50% كما يعتقد البعض، مشدداً على أن ذلك لا أساس له من الصحة مطلقاً.

وأضاف “حميدو”، خلال اتصال هاتفى ببرنامج “مساء دى أم سى”، الذى تقدمه الإعلامية إيمان الحصرى، عبر فضائية “dmc“، أن الحملات التى يطلقها البعض خلال الوقت الراهن تحت مسمى “خليها تصدى” وغيرها، بهدف مقاطعة شراء السيارات تضر بالاقتصاد المصرى، موضحاً أن هذه سلعة بها اقتصادات ضخمة وليست سلعة يحتكرها شخص معين وقائم عليها آلاف الأسر ممن يعملون فى قطاع السيارات.

وأكد خالد حميدو، أن حملة “خليها تصدى“، أثرت على حجم مبيعات السيارات فى السوق المصرى، وتابع: “اللى معترض على أسعار السيارات يروح يشترى من برا”، لافتاً إلى أن بعض السيارات انخفضت  أسعارها ما بين 50 و100 ألف جنيه وفق الاتفاقية التى تم تطبيقها، ولكن لا يوجد انخفاضات أخرى، وعلى الجالسين فى العالم الافتراضى ومن يطلقون مثل هذه المبادرات أن “يتقوا الله فى اقتصاد مصر

شاهد أيضاً

الكنيسة القبطية

قداسة البابا تواضروس الثاني : وطرق تقديم المحبة!

ألقى صاحب القداسة البابا تواضروس الثاني عظته الأسبوعية في اجتماع الأربعاء يوم الموافق الأربعاء ٢٧ …

57 تعليق

  1. طماعين
    كفايه ضحك علي الناس بكلام معسول
    ياما أخذتكم اكتر من حقكم مرات ومرات
    خايها تصدي وتتعلموا تحترموا العميل

  2. اتقوا الله أنتم فينا وكفايه مكاسب حرام عليكم ياظلمه

  3. يضر اقتصاد مصر .
    ازاي هو احنا بنستوردها ولا بنصدرها ؟؟؟؟!!!!

  4. هشام عبدالعليم

    برضو….خليها تصدي

  5. الاخ خالد حميدو …انتم حاربتم المصريين في الخارج انهم ياخدوا اعفاء عن سيارة واحده بس بدون جمارك …بالرغن ان مننا ناس بقالهم اكتر من 20 سنة بيحولوا كل مرتباتهم لمصر وهم واولادهم سابين لكم البلد لا حملوا الدولة سكن ولا اكل ولا شرب ولا علاج وكمان ساندو اقتصاد البلد …. يبقي لما الناس كلها تاخد منكم موقف متزعلشي وهو التاجر فيكم ان مكانشي ياخد مكسب 150 او 200 الف ما ينفعشي … اقتصاد ايه اللي بتتكلم عليه يا بلد العجايب … خليها تصدي لحد ما تتقوا ربنا في الناس

  6. انتم لا يهمكم اقتصاد مصر ولا مصر نفسها يهمكم تكوشوا وتنهبوا التاس ومفيش عندكم مبدأ اصلا …. احنا المغتربين ال بيحول لمصر وبيدفعوا ضرايب وتصاريح عمل ورسوم …مش عارفين نتمتع ببلادنا لانكم انتم والهبيشه الكبار وكلنها ولاعه ….حسبي الله فيكم … وان شاء الله هتشحتوا وترموها لما تصدي بجد … ولا تحسبنا الله غافل عما يعمل الظالمون وانما يأخرهم الى يوم ……

  7. طب #خليها_تصدي

  8. اتقوا الله كفاية مكسب ١٠ ولا ١٥ بالمية

  9. (( البلد ،، والوطن )) ،،، الكلمتان اللذان يختفي خلفهم نهب مصر من الكبير للصغير ،، بتوجيه ومربط مصالحهم بمصر ،،،،، وكان هم مصر نفسها ،،الوطن والبلد

  10. طب خليها تصدي
    اقتصاد اية ياابو اقصاد انتو عوزين تنهبو العالم لايهمكم اقتصاد ولا سياسة
    اهم حاجة عندكم المكسب كام

  11. عبد الناصر غريب

    دلوقتى بقى اقتصاد مصر. …ليه هى المكاسب بتتبرعوا بيها

  12. خليها تصدي

  13. بطلوا جشع بقي حرام عليكم بتكسبوا فيها اكتر من المصنع نفسه #خليهاتصدي بردوا

  14. خليها تصدي

  15. معلش دعوة بمصر مصر بتدبر امورها خلي بس انت جدع وانضم لحملة خلييييييها تصصصصصصدى

  16. اتقو الله في شعب مصر يا نستغلين لقوت الشعب

  17. يا جدعان حرام عليكم هتخربوا اقتصاد البلد هههههههه

    طب خليها تصديييييييييى

  18. خليها تصدى بالعكس حنوفر الدولارات اللى بنستورد بيها ويقولك تضر بالاقتصاد شوية جهله

  19. احنا هنا في السعوديه بنبيع سياراتنا بتراب الفلوس بسبب وقوفكوا انتوا والمرتشين في مجلس الشعب والجمارك والمالية ومنعكوا حملتنا (إعفاء جمركي) .. يا رب تشحتوا #خليها تصدي

  20. علاء من فيينا كلام الاخ ده عارى من الصحة لأن إحنا عارفين سعر العربيات هنا فى أوروبا وعارفين شحنها لغايه ما توصل لسيادته بكام فحرام تضرب السعر للمستهلك فى ٢ إما للاسعار بتاعتك فنحن الدول الوحيدة إلي السعر ٤اضعاف دول الجوار رغم إنه هو كمان عندة شحن وتحميل وتفريغ وعماله وملتزمات ماليه أكبر مننا ورغم كده السعر ربع مصر إلا بقى لو التاجر المصري بيستورد من كوكب زوحل.

  21. السيد حماد حجازي

    خليها تصدي وتصدي وتصدي
    وكل الشكر والتقدير والاحترام لاصحاب دعوة خليها تصدي
    وياريت كل واحد يتفاعل مع هذة الدعوة
    الي ان يعود السعر الحقيقي للسيارات علي الاقل نصف القيمة الحالية

  22. حملة #خليها_تصدى
    بدأت تأتى ثمارها و لعلكم تعقلون نهبتم الشعب سنين و الان مش عايزين حتى تبيعوا بمكسب كويس لا لازم تفصلوا تنهبوا على طول منكم لله

  23. محمد ابو اليزيد السيسي

    خليها تصدي وتشربوها كمان عشان لما يكون واحد زي حلاتي عايش في أوروبا من ٣٢ سنه اقسم بالله العلي العظيم اني ٣٢ سنه في الغربه ومقدرش اشتري سياره في مصر بهذه الارقام مع اني راكب في اوروبا سيارة حديثه ولكن لا استطيع ان ادفع هذه الاموال في سياره في مصر لانها ضعف تمنها في اوروبا وتقول اتقو الله وانا اقولك حسبنا الله ونعم الوكيل فيكم يا شياطين الانس لعنة الله عليكم .خليها تصدي

  24. خليها تصدي بردة

  25. مستورد السيارات المصري اكبر مؤامرة على اقتصاد مصر.
    هو مش لما ال٥٠ و ١٠٠ الف جنيه اللي بتاخدوهم جشع يتحملوا على كل مواطت بيركب اوبر او كل سلعة يدخل في سغرها تكاليف نقل بالسيارة يبقى مش كل الف اسرة اتضررت ده كل ال٩٠ مليون اتضرروا. مش تقول لي كم الف انتم اصلا غاملينهم رهاين و بتدفعوا لهم مرتبات ملاليم

    • احنا عندنا العربيات فى إيطاليا اقل بمعدل ٢٥ ٪ على الاقل. و عارفين انها عليها ٢٢٪ ضريبة مبيعات. و مصاريف التاجر أضعاف مصاريفك، يبقى انت تاجر جشع و بتكسب ضعف اللى بيكسبه التاجر فى إيطاليا رغم مصاريفه المرتفعة حدا بالمقارنة بمصاريفك

  26. ياتجار الجشع عربية لمغترب اكتر من٣٠ سنة بدون جمارك كانت تضركم فأيه اعترضتم انتم والمستفيدين معاكم مش كفاية اسمنا فى الغربة وافدين وفى بلدنا وياللعجب بيسمونا مغتربين لا لا لا لا لا لالا خليها تصدى ويصدى معاها جشعكم

  27. منقول
    لازم يكون في شركة تستورد لينا من برا هنوفر ع الاقل100الف طب خد دي بيجو 301بي140الف من الجمارك طب سلام للمستع.مل الفيرنا و الانوس ابو 100و150
    رسالة مهمه و نكمل خليها تصدي ملخص النصب
    اوعى تضعف و تروح تشترى دلوقتى يا دكتور كده هتبقى خسرت كل حاجه !!!
    _تخفيض من30الي50الف من المصانع +زيرو جمارك يعني ابو 100 هيكون بي60
    كمان علشان الضرب جاى على الحراميه من كل مكان
    _ قروض البنوك و فوائدها و مواعيد الاقساط
    _ ايجارات المخازن و مرتبات الموظفين و العمال
    _ النفخ من الشركات بالخارج للوكلاء و الموزعين اللى هنا
    _ المخازن اللى بقت مليانه و مبقاش فيها مكان لانتاج المصانع
    _ موديل 2020 اللى هينزل قريب و موديلات 2018 و 2019 لسه ماشفتش الاسفلت
    _المصانع نزلت من قيمت العربيت من 30الف الي 50الف
    _الجمارك زيرو على العربيات الأوربية مثلا البيجو 5008كانت بي 650الف المفروض السعر يكون450الف التجار نزلت 30الف عشان يقنع ألناس انها الزيرو جمارك
    العربيه بيجو 308 بي250الف هو الفروض تكون بي170الف
    الهونداي توسان بي 600الف هو المفروض تكون بي370الف
    الرينو كادجر بي 480الف و المفروض تكون بي 300الف
    _لازم نفوق ي جماعة و نصبر السيارات بسعر الجديد
    المستعمل مش هيكون ليه قيمة
    _و في مستعمل الاوربي نازل كمان يعني المستعمل المصري زيرو بيع زيرو اسعار

  28. Mohamed Mahamoud Ahmed mohamed

    بكل تاكيد خليها تصدي وتبقى خردة

  29. بالعكس ديه بتفيد اقتصاد البلد . انتم سحبين الدولارات اللي في البلد كلها والدولار سعره بيغلي وبالتالي الحياة بتغلي من ساعه حملة خليها تصدي اتوفر الدولار في البنوك فسعره نزل ولسه كمان .

  30. ولما حصل تعويم للجنيه وكسبتم أرباح أضعاف وأضعاف بدون وجه حق ما بصيتوا للمواطن البسيط خليها تصدي

  31. علي ابن ابراهيم

    موتوا بغيظكم ياابن حميدو

  32. علي ابن ابراهيم

    موتوا بغيظكم ياابن حميدو واتقوا الله
    خليها تصدي وتاكلها البارومه

  33. اتقو الله انتو فينا في ناس في مصر راكبه سياره م ديل 1970 مش عا فه تشتري سياره من الغباء الفاحش حسبي الله ونعم ال كيل #خليها_ تصدي #خليها_ تصدي
    #خليها_ تصدي #خليها_ تصدي
    #خليها_ تصدي #خليها_ تصدي
    #خليها_ تصدي #خليها_ تصدي

  34. يعنى لما كنتوا يتبعوا بالغالى و بربح عالى فشخ كنتوا بتتقوا الله فى الاقتصاد المصرى و لا كنتوا بتقولوا العرض و الطلب . دلوقتى لما بقبتوا مش لاقيت تببعوا بالاسعار اللى انتوا واخدين عليها عمالين تقولوا الاقتصاد المصرى …. انا بقى بقلكك خليها تصدى و كسم الاقتصاد المصرى علشان تتاءدبوا

  35. وهل مع كل شريحة تخفيض جمركية كان بيتم تخفيض السعر؟
    هي الحدوتة ان طول ما فيه جمارك فيه شماعة للتجار يعلقو عليها الاسعار الخرافبة ويقوللك اصل الجمارك وبيعتمد في كدة علي ان معظمنا ميعرفش نسب وشرايح التخفيض طبقا للاتفاقية
    اللي عملته اخر شريحة انها بينت لنا اننا حميييييير وبينتقرطس رسمي..والبيه دلوقتي جاي يقول هتخربو بيوتنا؟ لا يا حبيبي متخافش…انت رصيدك في البنك من دم الناس يضمنلك انك تعيش انت وعيالك واحفادك من فوايده بس زي الملوك

  36. زكريا أل مسعود

    انا في السعوديه كنت اتمني حمله زيرو جمارك للمغتربين تنجح لكن للاسف كل تحار السيارات واعضاء مجلس الضلال وقف ضدنا هنا،كنت اتمني انزل بسيارة لبلدي كفايه تركنا البلد لا وظائف ولا غير ولا مستفاد اي شىء من الدوله بالعكس ادفع ضرائب وغيرة ،وانتم مسيطرين علي البلاد انتم والحراميه الكبار
    خليها تصدي

  37. اتقو الله كفايه كده كل علي قدك متحفش خليهاااا تصدى

  38. بيتوتكم دى هتخرب سنه كام بالظبط ..انتو معاكو فلوس لو ولعت فيها مش هتخلص😋😋😋

  39. نايف كيشار الفايدي

    انا عن نفسي مش هشتري عربيه الا في ٢٠٢٠ ومن برا وبستعمل اوبر وكريم وموفر فلوسي لحد لما الأمور تستقر وهجيبها من برا بنفسي أو عن طريق حد من برا انا ركبت عربيات كتير برا مصر وجوة مصر وعارف ان العربيات في مصر ورق وسرقه عيني عينك عربيات برا مصر ارخص بجد ومواصفات وامان افضل بكتير من العربيات المصريه

  40. الاخ خالد حميدو …انتم حاربتم المصريين في الخارج انهم ياخدوا اعفاء عن سيارة واحده بس بدون جمارك …بالرغن ان مننا ناس بقالهم اكتر من 20 سنة بيحولوا كل مرتباتهم لمصر وهم واولادهم سابين لكم البلد لا حملوا الدولة سكن ولا اكل ولا شرب ولا علاج وكمان ساندو اقتصاد البلد …. يبقي لما الناس كلها تاخد منكم موقف متزعلشي وهو التاجر فيكم ان مكانشي ياخد مكسب 150 او 200 الف ما ينفعشي … اقتصاد ايه اللي بتتكلم عليه يا بلد العجايب … خليها تصدي لحد ما تتقوا ربنا في الناس

  41. تضر للاقتصاد ؟؟
    ازاى يعنى ؟؟ ، واضح انك حافظ شويه عبارات رنانه وبترددها وانت مش فاهم معناها !!!
    الحمله تسببت فى هبوط سعر الدولار مقابل الجنيه يا اسطى

    الضرر الحقيقى للاقتصاد هايجى من جشعكم وطمعكم
    #خليها_تصدى

  42. اقتصاد الدوله بيقوم بالتصدير مش الاستيراد .اما الاقتصاد اللي بتتكلم عنه ده اقتصاد جيبوكم يا كفره.

  43. انت مالك ومال اقتصاد مصر ….انت تتكلم علي اقتصاد جيبك وفلوسك اللي من دم الشعب ربنا ينتقم من امثالك

  44. #خليها_تصدي

  45. #خليها_تصدى

  46. انا شيف انا مافيش اى تأثر خالص
    علشان الاسعار زى ما هى
    وعوز اعرف مين الوكيل فى مصر
    ومين إلى بيحى الناس دى ووافق ورهم

  47. عادي وليه يعني ما انتوا ماصين دم الشعب بقالكوا كام سنه
    ولما الدولار رفع وكانت عندكم عربيات متخزنه

    بعتوها بالسعر الجديد
    ربنا يخرب بيوتكم كمان وكمان. علشان تحسوا بالمواطن المطحون

  48. شريف ابو السعادات

    #خليها_تصدي

  49. نفسي التاجر الطماع الحرامي الجشع يحط نفسة مكان المواطن الغلبان المضحوك علية ويقولنا هيحس بايية. خليها تصدى وتصدي وتصدي

  50. الله يفتح عليك .. انت برنس

  51. متتخرب بيوتكم ولا تغورو فى ستين داهيه زى ما الناس هى اللى عملتكم برضو هى هى الناس اللى هتجيبكم الارض ياحراميه ينصابين مش هى دى حملت شوية العيال زى ماقلتوا شوفوا بقى العيال دى هتعمل فيكم ايه يمعرصين زى ما شلنا الحرامى الكبير هو وكلابه هنشيلم انتو برضوا مش هتكونوا اقوى من مبارك وكلابه
    تحياتى وكل التحيه ل #خليها_تصدى واعتز ب انى واحد منها

  52. السلام عليكم
    حضرتك وبكل احترام انتوا لما الدولار زاد سعره بعد التعويم وكنتم مخزنين سيارات على السعر القديم بعتوها بالسعر الجديد دون أي مراعاة لظروف المواطنين الأقتصادىه والآن بعد نزول سعر الدولار والزيرو جمارك على الأوروبي والتخفيضات الأكيده اللى حصلتم عليها من المصانع نفسها وبعد كل ده حضرتك زعلان ليه ده حقنا وكفايه إستحمار فينا من فضلكم ووالله لو بعتوا بما يرضي الله هاتبيعوا أكثر وهاتكسب كويس جدا ونترحم من المستعمل اللى خارب البيئه بدخانه فكروا شويه وصدقو نى والله هو ده الصح والحل اللى يرضي جميع الأطراف زى الخليج أكيد الوكيل في الخليج بيكسب وبالرغم من ذلك الأسعار مناسبه لجميع المواطنين والوافدين أيضا هو حرام نعيش زى بقيت الخلق اتقوا الله فينا وربنا يهديكم الى سواء السبيل اللهم أمين ناصح أمين

اترك رداً على علي ابن ابراهيم إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.