الأربعاء , أكتوبر 9 2019
الرئيسية / مقالات واراء / محمد السيد طبق يكتب كل متوقع أت

محمد السيد طبق يكتب كل متوقع أت

لا شيئ في بلادي يدعو للتفائل فلا شعبها فوق الشبهات ولا حالها ينبأ بخير .. لكنني قررت ان اتفائل بالله وان ظن بة خيرا وان اكسر ذلك الحاجز الذي قيدت بة نفسي وأكتب عن التفائل وحسن الظن بالله

كان في راجل كل لما مراته تيجي تصحيه من النوم يعمل فيها مقلب قال إيه إنه ميت .. كل كام يوم يعمل فيها المقلب ده والست تبكي وهو يضحك, لحد ما في يوم جت تصحيه لقته فعلاً مات !

– لما النبي راح يزور واحد من الصحابه وكان الصحابي مريض فالنبي طبطب علي كتفه وقاله : لا بـأس طهور إن شاء الله .. متقلقش هتقوم وتطهر من تعبك زي ما الهدمه بتطهر من البُقعه بعد الغسيل .. الصحابي بقي ميقولش : ان شاء الله يا رسول الله .. شده وتزول .. لكنه قال : بل هي حُمي تلقيني في القبر يا رسول الله .. دي حُمي هتموتني قريب يا رسول الله .. النبي قاله : فـ نعم إذًا .. مادام إنت قولت كده فخلاص هيحصل اللي قولته, وبالفعل معداش كام يوم والصحابي مات ..

سيدنا عبد الله بن مسعود بيقول : البلاء مُعلق بالنُطق به ..البلوه الزرقه اللي بتحصل في حياتك بتبقي متعلقه في السماء واول لما تتشائم وتقول هسقط .. هفلس .. تلاقيها نزلت علي دماغك تجيبك الأرض ..

وعلشان كده الحكمه بتقول : تفائلوا بالخير تجدوه .. زي ما تبشر نفسك بالشر فيحصل .. كذلك لو بشرت نفسك بالخير هيحصل .. معمركش كُنت قاعد بتتكلم علي حد وفجأه لقيته داخل عليك فقولت : يارتني افتكرت مليون جنيه, وده يبينلك إن كتير من حاجات بتحصل في حياتنا بتيجي بسبب إننا جبنا سيرتها ! ..

– خلي عندك أمل في ربنا .. قول : باذن الله ربنا هيكرمني في حياتي ويحقق مُرادي .. أصل ربنا قالها : أنا عند ظن عبدي بي .. فلو كان خير هيبقي خير .. ولو شر هيبقي زي ما ظن فيا .. أحسن الظن في الله, ..

” واعلم ان كل متوقع .. آتٍ ” فتوقع خير . .”

شاهد أيضاً

الدكتورة نسرين ميشيل

الدكتورة نسرين ميشيل : مرض السيلياك أشبه بالحرب الأهلية داخل جسم المريض “نيران صديقه “

السيلياك مرض تم كشف غموضه فى السنوات الأخيرة وأصبح تشخيصه متاحاَ وسهلا نظراَ لتقدم وانتشار …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *