الخميس , مارس 7 2019
الرئيسية / مقالات واراء / ” حرامية وهايصين ” : للأديبة والشاعرة ماجدة سيدهم
ماجدة سيدهم

” حرامية وهايصين ” : للأديبة والشاعرة ماجدة سيدهم

كلمتين علشان الموضوع سخف أوي وبيتكرر

موضوع الست فرنسا وغيرها ..م الآخر لازم نفرق كويس أوي بين المسيح والمسيحين ..وبين ممارسة الطقوس وبين معايشة المسيح .. مش كل من راح الكنيسة والتزم بأدق تفاصيل الطقوس هو بالضرورة يعرف المسيح فعلا رغم أنه مسيحي ….

فهل فعلا بتربى ونتعلم أن المسيح إنسان حر ..هل بندرك أنه حرية وتحرر ..أنه فهم وحكمة وانطلاق وتفاعل ونشاط ..بهجة وفرح وتهذب ..انه إبتكار وشجاعة .ومواجهة ونور وتأثير وفهم وحكمة وأخلاق

هل بنتعلم ان المسيح لم ينساق ولم يتهور ولم يتنازل ولم يتقيد بناموس بل قال بالحرف الواحد ان السبت لخدمة الأنسان ولإسعادة ونموه وتميزه ..وعلشان كدا كان بيعرف يميز وبوازن الأمور بعقله وروحه ..

المهم الست فرنسا اختارت ورغم عدم المسؤولية في قرارها وماسببه من أذى لأولادها لكن ف كل الاحوال وم الآخر ماحدث قد حدث وانتهى الأمر ..

الأهم ..ويخص الأحبا المهللين بالنصر العظيم على خطى المجاهدين ..هي أيه حالة الهوس اللي بتنزل عليكو دي لما واحدة قبطية تتجوز منكو ..هو دا انجاز مثلا ..دا تمامكو يعني .. دانتو غلابة اوي بجد ..

. طيب لو القرية مافيهاش ولا قبطي واحد .. برضه حاتصرخوا وتطلعوا بالجمال تزفوا العروس المباركة على اعتبار أنها أفواج دخلت الدين الجديد .. ولا كدا الموضوع مش حايبقى لذيذ ولا مثير لان ماحدش شايفه غيركوا .. طبعا المسألةمش أكتر من كيد واستفزاز لأقباط بنفس القرية ..

يعني لافارق معاكوا حاجة غير انكوا تثيروا مشاكل وبس …هو حضرتك مش اخدت أو سرقت حاجة مش بتاعتك عاوز ايه تاني ..إيه لازمة الزيطة ..بعني حرامي وبجح وسافل كمان.. يعني م الآخر مؤمن ..

على فكرة دا سلوك همجي وأحمق جدا ..سلوك ناس فاشلة وجاهلة وعيشتها ضنك ومهملة ولا عارفة حاجة في أي حاجة .بدليل كل الحالات اللي زودتكوا عدد بالانفرار ..بتتعاملوا معاها من زاوية عقدة النقص وقل الأصل وأول حاجة بتعملوها قبل حتى ماتلبسوها الحجاب اأنها تسب ادامكوا المسيح وتسخر من الصليب …بجد دي ازمة نفسية خطيرة .. وما حققتش لكو اي راحة غير شوية ضحك وشقلبظات وهلوسة ..

يعني لما واحدة مسيحية تروح لكوا تتفضحوا كلكوا بالشكل العرة دا ..دانتو بجد عورة وعوار في المجتمع

.جتكو خيبة في انجازكوا وفشلكوا ..دا ايه العيشة الضنك دي ولسه بتقولوا قعدة عرفية ..ماتشوفوا حلول نفسية للجمهور المأزوم دا الأول ..حلو مشاكلهم المجتمعية الكثيرة لانهم محتاجين بجد ..دي ملايين خربانة يافندم

شاهد أيضاً

كيد النساء عندما يحكم

  مختار محمود جرتْ العادة فى الثقافة المصرية، أنه عندما تتم الإطاحة بمسؤول حكومى، تتسارع …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *