الأحد , يونيو 9 2019
الرئيسية / مصر بلدى / ” سرطان الاستعلاء ” : للكاتبة والأديبة ماجدة سيدهم
ماجدة سيدهم

” سرطان الاستعلاء ” : للكاتبة والأديبة ماجدة سيدهم

حابة اتكلم عن حاجة مهمة على الأقل بالنسب لي .. عن بعض المهاجربن اللذاذ اللي اتصابوا بسرطان الاستعلاء بمجرد سفرهم أو بحصولهم على جنسيات غربية . فتلاقي معظم كلامهم نقد وسخرية

.( مصر ..مصر دي بلد وسخة ..فوضى وعفانة والناس قذرة شوية جعانين وفقرا وكدابين ونصابين ..مش ممكن انزل مصر تاني. ولا يشرفني أكون مصري…وإيه المناظر دي وكم القرف دا ..هو انتو مش عارفين أنا مين وعايش فين. ..اتفووو

.احنا لو ما كناش هاجرنا برا كنا فضلنا زيهم .. احنا اتعلمنا هنا النظافة والصدق والاخلاق والالتزام ..وبنلبس اللي عاوزينه وواخدين راحتنا وحقوقنا ..و..و..)

لحد كدا تمام ..بس الحقيقة فيه مشكلة خطيرة جدا ..وهي لو حضرتك شايف أنه لولا هجرتك ماكنت تعلمت الذوق والنظافة والامانة و… ..يبقى المشكلة في أصلك لما اكتشفت إنك منحط وقليل الأدب وبتطلع عقد النقص فيك بالاستعلاء على شوية غلابة وفقراء بتعايرهم ..حتى لو معاك جواز السفر الأحمر حاتفضل واطي وعندك مركبات نقص ..دا اسمه شبع من بعد جوع ..

ياحضرة .. الأخلاقيات والقيم والسلوكيات المهذبة بنتربى عليها في بيوتنا من وحنا صغيرين مش محتاجة مشواير بالأميال علشان حضرتك تكتشف فجأة أنك ولا حاجة و مش متربي ..

. وبعدبن كل الشتايم دي وماتعلمتش من طول هجرتك شوية أدب ..و على فكرة ولا يشرف مصر أمثالك

الاخلاق تربية مش هجرة وعلى حسب تربيتك قيم نفسك يا حضرة الأستاذ وياست الهانم .. ولو تحضر الغرب اثر فيك فعلا كنت بقيت أرقى وإيجابي ومنتمي .

شاهد أيضاً

أمين الأعلى للآثار: حواجب تمثال “أبو الهول” الجديد دليل على حالته الجيدة.

قال الدكتور مصطفى وزيرى، الأمين العام للمجلس الأعلى للآثار، إن وزارة الآثار تنفذ اكتشافات فى …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *