الإثنين , سبتمبر 16 2019
الرئيسية / مقالات واراء / القهر الزجاجي : للكاتبة والأديبة ماجدة سيدهم

القهر الزجاجي : للكاتبة والأديبة ماجدة سيدهم

دا كوبري محور روض الفرج اللي عمل ضجة كبيرة من حيث الفخامة والتكلف و لسه يادوب ماكملش كام يوم . ..طبعا الصورة لم تزعجني اطلاقا لأن دا رد فعل طبيعي لسلوك قطاع الطرق ..

الظريف أن فيه هناك عربية شرطة حلوة خالص .. طيب وللمرة الألف لو عملنا مليون كوبري ومدينة ومدرسة وتابلت وشوارع و قطارات على أحدث طراز برضة حاتتحول لمستودع قمامة في ثواني ..

يافندم لازم نعترف أننا مش متربيبن لا على الأدب ولا الذوق ولا النظافة ولا الجمال ولا التهذب ولا أي ريحة انتماء ..احنا عندنا لذة انتهاك كل شيء راقي ومرتب وجميل وكأن دا تميز بين شوية بلطجية بيسموهم شعب .. خاجة كدا بتشفي غليلنا وكأننا بننتقم من نفسنا أو من الدولة مش فاهمة ..

طيب مشروع القطارات اللي حايكلف مبلغ وقدره ..من اول طلعة حايتسرق اسفنج الكراسي بالكراسي والأوكر وأزاز الشبابيك و القطر نفسه بالقضبان والمحولجي كمان ..

يافندم اقسم لك بالله ماينفعش ..دي قربة مخرمة ..لازم قانون صارم يربي الشعب من جديد وبغرامات مرعبة.. …مش عيب والله ..

بس أبوس ايدك اوعى تقولي علشان بعدنا عن ربنا ولازم نتربي على الدين ونجدد الخطاب الديني .. واديك شايف النتتيجة أهي ..صورة زي الفل ..

افكرك يافندم ..فيه حاجة أسمها الفنون والجمال والذوق والتحضر و… ياوجعي

شاهد أيضاً

القصور الرئاسية و انعدام الرؤية

شريف جندي تابعت كما الكثيرين موضوع القصور الرئاسية و التي انقسم فيها الناس ما بين …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *