الإثنين , أكتوبر 7 2019
الرئيسية / الصحة / الدكتورة نسرين ميشيل: احذروا ضربة الشمس
الدكتورة نسرين ميشيل
الدكتورة نسرين ميشيل

الدكتورة نسرين ميشيل: احذروا ضربة الشمس

مُجهد وتعبان ودايخ وسخن ومش عارف تأخذ

 نفسك ودقات قلبك سريعة

بما اننا فى الأقصر وطبعا الأقصر معروفه بجوها الحار جداا وشمسها الحارقه

يبقى يا ريت مننشاس موضوع الاجهاد الحرارى وضربة الشمس

الاجهاد الناتج عن ارتفاع حرارة الجسم بسبب التعرض للشمس والحر ممكن يكون بسيط زى الاعراض اللى ذكرتها فى الاول وممكن يكون اخطر واشد

احيانا الموضوع بيتطور نتيجه التعرض لدرجه حراره شديده لفتره طويله من الوقت ، او نتيجه ان الواحد بيعمل مجهود بدنى وعضلى فى درجة حراره عاليه زى مثلا الفلاحين اللى بيزرعوا بأديهم وبيقعدوا فى الغيطان تحت الشمس فتره طويله او العمال او الباعه الجائلين

ممكن الموضوع يصاحبه دوخه شديده و اضطراب فى مستوى الوعى او اغماء

وممكن يحصل غثيان وقئ

وممكن شد عضلى او تشنجات عضلية

وطبعا المريض بيكون سخن جدا وجلده احمر وممكن يكون مصاحب ليها عرق شديد او جفاف

ودا بيحصل بنسبه اكبر فى الناس الكبار اللى فوق ال٦٠ او الاطفال الصغيرين

وكمان لو الواحد اصلا عنده مرض مزمن قديم

او لو الواحد بياخد ادويه زى مدرات البول مثلا

طيب اعمل ايه لو لقيت حاله زى دى يا دكتوره .

اساعده ازاااى

شوف يا سيدى اقل حاجه تنقله من الشمس وتحطه فى مكان ضله وتخفف الهدوم اللى عليه وتشغل المروحه لو مافيش تكييف ويا ريت لو حطيته كله فى الميه او تعمله كمادات ساقعه على رقبته وتحت الابط وعلى الفخد

وكمان وطبعا لو نقلناه لجو مكيف يكون افضل بكتير

وطبعا نديه خافض حراره زى الباراسيتامول و نعوضه بسوايل كتير بس يا ريت مايكونش فيها كافيين او كحول

وطبعا لو حصل تشنجات او اغماء او اضطراب ذهنى دا تطلع بيه فورا على المستشفى عشان هايحتاج محاليل وريديه وخافض حراره عن طريق الوريد

بلاش نخرج كتير فى الشمس  وياريت نلبس هدوم لونها فاتح فى الصيف

واشربوا ميه كتير اوى على اد ما تقدروا

شاهد أيضاً

استشارى امراض جلدية يحذر من استخدام الديتول والمناديل المبللة

نازك شوقى الحفاظ على نظافة وصحة الفرد هدف كل أسرة لذلك لا يخلو منزل من …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *