السبت , نوفمبر 9 2019
الرئيسية / مقالات واراء / كواليس صالون فاطمة ناعوت
فاطمة ناعوت

كواليس صالون فاطمة ناعوت


بقلم/ منى فؤاد

صالون فاطمة ناعوت مع قداسة البابا اسمعوا يا مسيحيين واللي مش فاهم يفْهم واللي فاهم يفَهم اللي مش فاهم لاني بجد مش قادرة افهمكم انتوا ازاي كده؟ ازاي بتحاربوا الناس اللي بتحبكم وبتقف معاكم في ازامتكم؟

ازاي بتشوهوا كل جميل بالشكل البشع ده؟

تعالوا لما احكيلكم حصل ايه

في أبريل اللي فات كنا في ضيافة  الست اللي انتوا مبهدلينها “فاطمة ناعوت

كنا بنتكلم عن صالون شهر يونيو وايه هايكون موضوعه ومين هايكون ضيف الشرف.

قامت الأستاذة فاطمة قالت: شهر يونيو هانخليه صالون (الوطن).

عشان الشهر ده بنحتفل بثورة ٣٠ يونيو وده حدث وطني تاريخي جميل، وذكرى زيارة العائلة المقدسة لمصر وده حدث بيحط مصر في مكانة عالية بين دول العالم. فلو خلينا عنوان صالون الشهر ده هي “الوطن” فكأننا بنفكر الناس بحدث جميل في بداية الشهر وحدث جميل في نهاية الشهر، عجبتنا الفكرة وقلنا قشطة فكرة تحفة.  قالنا: طيب نجيب مين ضيف شرف يتكلم عن قيمة الوطن؟

قالت: قداسة البابا تواضروس هو أكتر واحد  بيقدم صالح الوطن واستقراره على أي حاجة؛ قلنا لها : بس كده هايبقى صالون ديني واحنا شعار  صالونا (لا دين ولا سياسة). قالت : مين جاب سيرة الدين أو السياسة؟ قداسة البابا هايجي بصفته رجل وطني رفع اسم مصر قدام العالم ورفض تدول قضية الاقباط عشان مصر هي اللي بتجيب حق ولادها مش الغرب 

في يوم ٦ مايو  باتصل بالأستاذة فاطمة ناعوت  لقيتها بتقولي قداسة البابا رحب بأنه يكون ضيف الشرف في صالون يونيو، وقالي :شوفوا تحبوا يكون فين؟

قالتله:احنا في العادي بنعمله في (نادي الشرق الأدنى للأرمن) بشبرا  لكن عاوزين نعمله في مكان اكبر يليق بقداستك وشعبيتك الوطنية الكبيرة،

والحقيقة ان رجل الأعمال منير غبور عاوز يدعو الصالون ده في فندق سونستا في قاعة كبيرة بتاخد ١٠٠٠ شخص.

وافق قداسة البابا وشاف أجندة مواعيده وهو اللي أختار يوم السبت ٢٩ يونيو.

والكلام ده كان في وجود أبونا أنجليوس سكرتير البابا والفنان سمير  الاسكندراني وقداسة البابا والأستاذة فاطمة ناعوت وكاهن آخر أظن اسمه الأب كيرلس بشارة.

تمت الترتيبات على هذا الأساس في فندق سونستا وبدأت الأخبار تنتشر في الصحف والمواقع قبل موعد عقد الصالون بعشرة أيام.

قبل الصالون بيومين أ. منير غبور كلم أ. فاطمة وقالها أنه زعلان قوي ان البابا  مجهد جدا وعاوزنا نعمل الصالون في المقر البابوي بالكاتدرائية بدل ما يأجله ونخرج من شهر يونيو والفكرة بتاعة الوطن تبوظ.

الأستاذة وافقت وقالت: مفيش مشكلة المهم راحة البابا، وبدأنا تغيير الترتيبات من سونستا للمقر البابوي. واتعمل برنامج الصالون  وقدمت أ فاطمة فقرة مصريات   بعنوان (الوطن عند السلف الصالح) والسلف الصالح هما (المصريين الفراعنة) زي ما الأستاذة بتسميهم من ٢٠ سنة.  وبعدين كلمة قداسة البابا واتكلم حوالي ٤٠ دقيقة كلمة جميلة قوي عن (قيمة الوطن). وبعدين الأستاذة قالت لقداسة البابا (احنا مشبعناش من كلامك) قالها (خلاص معنديش مانع اتفضلوا اسألوا ). لكن لما البابا فتح باب الأسئلة الأستاذة قالت للجمهور (بس مش عاوزين لا سياسة ولا دين). البابا ضحك وقالها (ولا اقتصاد ولا كيمياء ولا فيزياء كمان )، يعني قصده انه مرحب بأي سؤال. وبدأ الناس تسأل وهو يجاوب. وخلصنا الصالون الرائع مش عارفة اقولكم كان جميل وثري قد ايه. والبابا كان مبسوط جدا واتصور مع كل واحد فينا وكان لطيف جدا معانا وبيضحك ويبتسم للجيمع. الصالون كله اخد حوالي ٣ ساعات.

طبعا نجاح الصالون الباهر ده جنن ناس مش بيهمهم القضية القبطية ولا غيره. بيهمهم بس يبقوا موجودين في الصورة، ولو هما مش في الصورة يحرقوا الصورة باللي فيها، وده اللي حصل من العيال السيس اللي قلبوا الدنيا على قداسة البابا وعلى الأستاذة فاطمة ناعوت بسبب صالون ناجح كان الهدف منه التأكيد على الدور الوطني لقداسة البابا.

طبعا من قبل الصالون وبعد الصالون والعيال التافهه المرتزقة دول بيتغطوا عليها بشتائم واهانات وتخوين

وحوارات مقصوصة من سياقها

ولما غضبت زي اي بشر في الدنيا؛ مسكنا كلنا سكينة تلمة ذبحناها بيها بدون رحمة ولا شفقة، وكأن حبكم لها تحول إلى سُم في عروقكم

ليه دايما بنشوف القذى اللي في عنين غيرنا

ومبنشوفش الخشبة اللي عنينا؟

الحقائق دي من واقع وجودي في الكواليس

ودي شهادة حق بأحداث حقيقية

ده كل اللي حصل يا مسيحيييييين

جرالكوا ايه؟

لما فاطمة ناعوت تحب تكرم الرمز بتاعكم وتقوله شكرا على مجهوداتك وحبك لمصر

يبقى ده جزاتها؟

تسمعوا كلام شوية مرتزقة غيرانين من احترام قداسة البابا للأستاذة فاطمة ناعوت بسبب مواقفها الجميلة معانا طول عمرها؟ تنسوا كل تاريخها وتشتموها مع شوية عيال تافهين بيدوروا على أن يذكر اسمهم حتى ولو في مراجيح السبتية؟

نفسهم ياعيني يبقى ليهم كيان واسمهم يبقى على كل لسان حتى ولو قفشوهم في بيت دعارة؛ مش مهم

المهم اسمهم يتكتب وخلاص

على حساب الكنيسة، ماشي!

على حساب قداسة البابا ذات نفسه، ميضرش!

على حساب سمعة ست  شالت على أكتافها قضية ليس لها فيها ناقة ولا جمل لمجرد الوقوف مع الحق، يا ريت!.

على حساب شرفهم ذات نفسه، مفيش مانع

يبحثون بأستماتة عن دور يظهروا فيه حتى ولو دور يهوذا الخاين !

فوقوا واعرفوا مين معاكوا ومين عليكوا ومين اللي بجد بجد بيستخدمكوا علشان يتشهر }, “

شاهد أيضاً

تطورات كنيسة مار جرجس حجازة – قوص – قنا

بقلم : صفوت سمعان تم الحصول على مكان يبعد عن الكنيسة القديمة المتوقف بنائها لبناء …

4 تعليقات

  1. الكاتب الأديب جمال بركات

    احبائي
    اختلف كثيرا مع آراء الزميلة الكاتبة فاطمة ناعوت لكنني أرفض في ندوات القاهرة منذ عشرات السنين التجريح
    اختلافنا في وجهات النظر نتمنى أن يكون بطريقة راقية وكل منا يطرح وجهة نظرة بغية الإصلاح والتقدم بشكل صريح
    مصر العظيمة التي نبتغي نهضتها لن تبنى بمباريات كلامية التجريح أساسها ولكن بنشر ثقافة المحبة والتسامح والعطاءمع كل نسيم ريح
    أحبائي
    دعوة محبة
    أدعو سيادتكم الى حسن التعليق وآدابه….واحترام بعضنا البعض
    ونشر ثقافة الحب والخير والجمال والتسامح والعطاء بيننا في الأرض
    جمال بركات…رئيس مركز ثقافة الألفية الثالثة

    • أستاذنا الأديب الكبير الرمز جمال بركات…رمز المحبة والتسامح
      انت بدون مبالغة أو مجاملة من أكثر من دافعوا وعرضوا وأوضحوا قضية المواطنة
      وأنت في كتبك الجميلة وخاصة كتاب ( في حب أقباط مصر ) دافعت بإبداع وهدوء عن قضية الأقباط كما لم يفعل أحد من قبل
      وكثيرا ما دافعت عن صديقك الأنبا مرقس كما تصفه دائما في كتاباتك عندما يهاجمه بعض الغوغاء
      والكاتبة فاطمة ناعوت أيضا محبة للمواطنة ولاخوتها الأقباط ولكن هذا الحب قد يأخذ جانبا انفعاليا في بعض الأحيان
      فإذا جاء الإنفعال في هذا الجانب هوجمت من الجانب الآخر والعكس صحيح وهذا ماحدث في الفترة الأخيرة
      نحن نريد محبة كبيرة بين الجميع وهذا هو حلمنا

    • الكاتب الأديب جمال بركات

      استاذنا الأديب الكبير جمال بركات
      نحن من سماتنا الانفعال السريع الذي قد نندم عليه فيما بعد
      والذين حضروا الندوات التي كنت تتحدث فيها بموضوعية وهدوء ودون انفعال حتى عندما يحاول البعض جرك اليه
      والكاتبة فاطمة ناعوت اسم كبير في عالم الكتابة والإبداع لكنها انسانة والإنسان مجموعة من الإنفعالات التي يجب ان يراعيها الآخر الذي يكن معزة ولا يبحث عن التصيد
      تحياتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *