الجمعة , نوفمبر 5 2021

مايكل مكرم يكتب : (الله يسامحك)

اديني من وقتك دقيقة
عايز اقولك ع الحقيقة
عمري ماحبيت حد غيرك
مشاعري ليكي كانت بريئة
بتعدي حدود الصديقة
ويوم ورا يوم بقيت اسيرك
حبيت البنت الرقيقة
البنت الجدعة الجريئة
اللي اسلوبها كان يحير
واتحولتي من صديقة
لأغلى حبيبة وعشيقة
واللي عشانها بدأت اتغير
بقيت احب اللي تحبيه
وكرهت كل اللي كرهتيه
وعشت بس علشانك
سكنتك قلبي انتي جرحتيه
إخلاصي وحبي قضيتي عليه
وأنا ياما صدقت كلامك
لقيتيني ضعيف استقويتي
ياللي عمرك ماحبيتي
وخليتيني لعبة في ايديكي
ولو جيتي دلوقت بكيتي
هنساكي ذي مانسيتي
ولا عمري تاني هاحن ليكي
ولو فاكرة جرحك يألمني
بالعكس ده جرحك علمني
واخدت منه دروس كتير
واللي يفكر يوم يظلمني
وبسوء نية يكلمني
هاشكي لربي وهو كبير
كلمة أخيرة هاقولها ليكي
هافضل احبك واخاف عليكي
رغم ظلمك ليا وجرحك
مكسوفة ليه وبتداري عنيكي؟؟
حقيقي بجد اتصدمت فيكي
وبدعيلك الله يسامحك
واديني من وقتك دقيقة
عايز اقولك ع الحقيقة
عمري ماحبيت حد غيرك
الله يسامحك
مع حبي

شاهد أيضاً

العمر بيجرى بيه .

بقلم سهير سليمالعمر بيجرى بيـــــــــــهكأنــه ميـــــهســالت علــى أرض بوروالارض عطشــانهحضنت الميه ف ثوانـــــىومـين يجيبهـــــا تانـــــــــىولـــو …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *