الأربعاء , يونيو 29 2022
محمد فتحى

( المسيحى أفديه برقبتى )


المسيحى أفديه برقبتى
بكل قوتى و كل طاقتى
و الله لو هتبقى زلازل
عن الحق مش هتنازل
لو هموت بسبب جرائتى

أنا بقى نفسى طويل
لا بتهز ولا حتى بميل
ياما شوفت 
لكنى ما خوفت
ولا حتى أتهدلى حيل

إيديا تملى رافعها لفوق
عينيا مكسرهاش مخلوق
هفضل أتحمل
هعدى و أكمل
ربى لرحلتى نجاه و طوق

فى محنتى بكون أشد
بضعف لكن ولا بتهد
بكون أقوى
بقلمى هبقى
سكوتى أحيانا بيكون رد

الكلام عليا مبيهمنيش
الأفترى عليا مبيهزنيش
صوت الحق عالى
أقوى دايما من الآلى
صوت الحق بيعيش

معنديش أى حاجة أخسرها
عينيا محدش هيكسرها
بقولها بعلو الصوت
الحق مش بيموت
أصحاب الشر عايشة بنارها

القضية مش هبيعها
مهما كانت مواجعها
مستنى دورى
لكن سطورى
هتفضل فى عز ربيعها

يا ناوى على سكوتى
يا ناوى على مووتى
مهما أتألم
مش هسلم
مش هتقدر تكتم صوتى

كلمات : محمد فتحى

شاهد أيضاً

وداعا فيكتور عبد الشهيد راهب القضية القبطية الصامت

كتب : مدحت عويضة بعد معانا وصراع مع المرض رحل فيكتور عبد الشهيد أحد رموز …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *