الأحد , يونيو 7 2020
ريهام سعيد

ريهام سعيد تقول لجمهورها “خدمتونى ومش راجعه تانى” .

نازك شوقى

أبدت الإعلامية ريهام سعيد أسفها لما وصفته بسوء الفهم على خلفية تصريحاتها الأخيرة عن مرضى السمنة والذى تم بسببها وقف برنامجها صبايا من قبل قناة الحياة.

وقالت خلال مقطع مصور عبر صفحتها بموقع إنستجرام
” كل اللي بتقولوه على ده مش حقيقي, عمري ما اهانت الناس البدينة, كلمة مش عايش ده ميت دي كانت شكوى من واحد ممن يعانون من السمنة هو اللي قال الكلام ده وكان عنده إصرار إنه يخس”. 
وتابعت ” والله العظيم ما قلت ولا حاجة..

كل الكوميكس والكلام على السوشيال ميديا مش حقيقى, الناس بتسمع وتصدق, محدش فكر يشوف الحلقة, محدش فكر قبل ما يهاجم عن مستقبل الست دي وأولادها وحياتها, الكل بيردد كلام وخلاص حافظ مش فاهم”.
 
وقالت ” أنا عمرى ما أعتذر علشان أرجع شغلي تاني –

أنا اشتغلت 16 سنة كنت مضغوطة جداً طول الوقت, معملتش فلوس ولا طلعت بأى حاجة, كنت بخدم الناس وبس, كل تفكيري في اللي عايز حقنة واللي عنده أزمة, مفكرتش في نفسي”.
إنها تعرضت لحملة ممنهجة، مؤكدة إنها لن تعود للعمل الإعلامى أو التمثيل مرة اخرى، وقالت: جاء الوقت بعد رحلة عمل استمرت 16 سنة لأن أعطى وقتى لعائلتي والتقرب إلى الله.

وأعلنت ادارة شبكة قنوات الحياة أن مجلس الإدارة اتخذ قرارا بوقف برنامج صبايا، ومقدمة البرنامج الإعلامية ريهام سعيد، على خلفية ما أثير حول حلقة قد تم تقديمها مؤخرا تحدثت فيها عن السمنة وخاصة السيدات البدينات وانهن عبء على المجتمع، حسب وصفها.

القرار أوضح أن الوقف يستمر لحين انتهاء تحقيقات المجلس الأعلى للإعلام معها، ويتم إعلان موقف البرنامج وفقا لما ينتهي له الأمر.

وأكدت شبكة قنوات الحياة أنها تحترم جميع مشاهديها وتتعهد بدوام تقديم المحتوى المميز واللائق بجمهورها.

شاهد أيضاً

” لا عدالة لا سلام” شعار يهز تورنتو الكندية في مظاهرات صاخبة ضد العنصرية اليوم

الأهرام الكندي: شهدت مدينة تورنتو الكندية وتحديدا وسط المدينة مظاهرات حاشدة اهتزت لها المدينة بشدة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *