الجمعة , نوفمبر 8 2019
الرئيسية / أخر الاخبار / إسكندرانية للشباب المصرى والعربى ” عايز تشتغل فى الإمارات تعالى أقولك تعمل أيه
مروه الزهيرى

إسكندرانية للشباب المصرى والعربى ” عايز تشتغل فى الإمارات تعالى أقولك تعمل أيه



 وضعت  الشابة المصرية مروه الزهيرى بنت محافظة الإسكندرية روشتة صغيرة أوضحت من خلالها جوانب كثيرة للشباب الذى يرغب فى العمل بدولة الإمارات ، تضمنت الروشتة التحدث  عن الفيزا والمسكن والمأكل  والمواصلات  وطريقة البحث عن العمل

بالنسبة للفيزا

الفيز الى دبي هي فيزا بشهر و فيزا ب 3 شهور و قابلين للتجديد  ويحتاج صورة للباسبور وصورة شخصية وده مجال شغلي حاليا يعني اللي محتاج فيزا يتواصل معايا 00971509502160

 ما هى الشروط للسفر الى دبى :

أول شىء  لازم يكون عندك لغة انجليزية ولو 50% لأن دبي من أكثر الأماكن في العالم التى  يوجد بها أكبر عدد من الجنسيات المختلفة ، فيوجد به ما يقرب  من 150 جنسية لذلك اللغة الأولى بدبي ” اللغة الإنجليزية

(حتى لو عملت مقابلة عمل مع مدير عربي حيكلمك بالإنجليزية )

ثاني شىء  طالما قررت السفر الى دبى  لا بد  أن يكون عندك  مهارة ” صنعة” في أيديك أو شهادة جامعية

السكن:

(أسعار السكن تتراوح بين 700 درهم الى 1300درهم

المواصلات:

تستعمل المترو:المترو كل 5 دقائق وفي أوقات الذروة كل دقيقتين وبالنسبة للباص بردو موجود وبيروح لكل مكان في دبي (ما تستعملش التكاسي عشان سعرها غالي مقارنة بالمترو و الباص.)

البحث عن عمل:

أول ما توصل  دبى اشترى خط تليفون و تحط رقم تليفونك في السيفي بتاعك و تنزل تطبيق دوبيزل و مرجان و الوسيط و أنديد و Naukrigulf w LinkedIn .

وتفضل تعمل فيهم سيرة ذاتية و دائما تكرر علي حاجتك لوظيفة و تقدم اقل شيء كل ساعة تشوف و دائما تبعث و عّمرك ماتيئس حتي لو بقيت مدة ومحدش كلمك

و بدل في السيفي بتاعك ممكن يكون خايب أو فيه أخطاء كتابية .

السيفي لازم يكون بالإنجليزية ويكون حاجة بروفيشنال مش بس ألوان و زينة.

الخبرة تحط أهم الخبرات والشركات اللي اشتغلت فيهم و تكون اثنين أو ثلاثة شركات فقط .

في نفس الوقت تعمل إعلان في جريدة الوسيط و الخليج و كذلك كل مرة تعمل دورة في المولات تدخل المحلات و تسال حاجتكم بموظفين أو لا وتأخذ منهم إيميل الشركة و العنوان تقدم فيهم أون ديراكت ( تطبع نسخ من السى في بتاعك و تبحث في الأنترنت على الشركات اللي في اختصاصك وترسل  السى فى  ايضا متزهقش )

وخليك إجتماعي وصاحب الناس الإجتماعيه وحاول تعرف ناس من أي جنسية و أعمل معارف يتجموا يتعاونوا معاك

الحياة في دبي :

اللي يقولك العيشة غالية في دبي متصدقوش لأنك مادام بتدور علي شغل هتحاول علي اد ما تقدر تقتصد في احتياجاتك من الأكل والشرب وزي ما الغالي موجود الرخيص بردو موجود

أهم حاجة ما تفقدش الأمل لآخر لحظة وربي يرزقنا جميعا.

ملحوظة صغيرة .. لازم تعمل حسابك أن يكون دائما مظهرك مرتب عشان انت ممكن تعمل مقابلات في أي وقت ومينفعش لو حد اتصل عليك وقالك تعالي دلوقتي تضيع فرصه عشان مظهرك

دي كانت نصائح من واقع تجربة شخصية وطبعا لكل مجتهد نصيب

شاهد أيضاً

بالصور : حريق في دير الشهيد العظيم مارجرجس بالرزيقات

جيهان ثابت نشب حريق بعدد من الخيم بدير مارجرجس الرزيقات والذى بدأ الاحتفال به من …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *