الأحد , مايو 24 2020

الأنبا مكاريوس مكمل الرسالة

الأنبا مكاريوس أبن أبوه
عن طريقه عمره ما يتوه
مكمل على نفس خطه
راسى دايما على شطه
عشان كده الناس حبوه

المطران فى السما مبسوط
مش حاسس أبدا بالموت
أبنه سادد فى مكانه
مغيرش أبدا عنوانه
قال هكمل بعلو الصوت

مكمل على نفس طريقه
أبنه و صاحبه و صديقه
هو اللى حامل الوصيه
ميعرفش أبدا اى عصيه
فى الرحلة هو تملى رفيقه

الأنبا مكاريوس أبن بجد
مخلاش البيت أبدا يتهد
قبطان و ماشى بالسفينة
بأيدين قووووية و أمينة
راجل فى وقت الشدة سد

الأنبا أرسانيوس أطمن و أرتاح
الأنبا مكاريوس مكمل الكفاح
أسد و شايل الشيلة
ممالش أبدا ولا ميلة
أسد الصعيد مكمل بكل نجاح

المطران قاله أرجوك يا أبنى
أتحمل و كمل مكانى و أبنى
قاله وعد عليا يا سيدنا
هتفضل إيدك مع إيدنا
حتى و أنت يا أبويا سايبنى

الأنبا مكاريوس مكمل الرسالة
حالف ما يسيبها أبدا أستحالة
دى المسؤلية ليها ناسها
ده نيافته طبعا أساسها
المسؤلية تملى تشيلها الرجالة

الأسد بيحافظ و يصون
ولا عمره أبدا فكر يخون
صان العهد
وفى بالوعد
حاسس كمان أنه مديون

كلمات : محمد فتحى

شاهد أيضاً

أحمد السبكى وكلمات فى حق إنسانة مصرية مجتهدة

ترك ترك أو الدكتورة مني بط تلك الإنسانة الراقية التي تمثل قوة وإرادة المرأة المصرية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *