الأربعاء , أكتوبر 16 2019
الرئيسية / تويته وستاتيوس / قصيدة ” ناسيك النسيان “
الانبا ارسانيوس

قصيدة ” ناسيك النسيان “


اهداء لذكرى نياحة الأنبا ارسانيوس

بقلم : ديفيد منيب

ياما ناس بتموت
و مبنتأثرش زي زمان
بس المره دي سكوت

و باينة ملامح الحرمان
الحزن كاتم الصوت
يا قيمة لقوة الانسان
صدقني الوقت ما بيفوت
ده انت ناسيك النسيان
ريحتك لسة ف البيوت
يا ضحكة ف وسط الاحزان

اسمك هيفضل موجود


شبه لحن ادمنته الودان
جواه بركة و وعود
مكسب للرابح و الخسران
واثق من نفسك مسنود
كنت قوى بربنا و فرحان
شوفت التفجير بيسود

و طمنتنا بنظرة امان
حاربك ابليس بقيود
و كسرتها يا بر الايمان
وصفك غير محدود
اعمالك معنى لاحسان
كفيل يبان ف ردود
يا راهب دير السريان

اب كله احتواء و حنان ..
كيان , هيبة , جبروت
حكمة و صمت و طبع رزين
تذكرة سفر للملكوت

ف عيد ميلاده ال 90
اذن الحدث ميتسماش رحيل
باختصار دون التطويل ..
ربك حب يكون منه قريب
فا عيد عليه فوق بأعظم تهليل
و قاله كل سنة وانت طيب
مجهزله حياة ابدية و اكاليل
عاش ع الارض ملاك بيعوننا
و حكاية عمره الطويل فيها ان
وراها حكايات مش صدفة
و حاجات فاقت التخيلات المختلفة ! 😍

متغيرش بحكم الزمن القاسي
ف انفاسي اسمه الثلاثي
” امين نصر فهمي ” :
“امين” ف الخدمة
فا هداه الله “نصر” و همة
و رسالة ف الكلمة
فأصبح “فهمي” و استيعابي
لك اعجابي و استغرابي
ف عز سلبيات الاحباط كنت ايجابي
رجل دين غير معقد .. فاهم شعبك
بابا gentle و شبابي


الشمعة اللى بتنور ctv و اغابي
ليهم حق يلقبوك ب ” الكبير “
كفاية قولك الشهير :
” ربنا يحل كل المشاكل “
الان شعب المنيا يُحاول
على نهج خدمتك يسير
غيرت حاجات كتير
ضيفت لكلمة مطران .. مجد
علمتنا تعاليم التعمير
خطوة عملك من الهك عهد
مفكر و عاشق للتدبير
مهما ظروف و مشاكل بتحاصر
بتواجهها بشجاعة كقديس معاصر


حقيقي و واضح ..
لا عرفت تصنع ولا تنكر
ناسيك النسيان
يا مرادف كلمة ” تذكُر “
يا رأس الرموز ..
يشهد دير البرموس
بأنك لا تعوض بكنوز
عيشت القداسة كما يليق
كل الخدمات بتحن ليك
عايز اقولك يا بابا
وحشتنا وداعة عينيك ! 

” ديفيد منيب “

شاهد أيضاً

استشهاد ماجد فتحي القبطي من قرية بني محمديات الشهابية باسيوط وإصابة أقباط آخرين

جيهان ثابت استشهد شاب مسيحى يدعى ماجد فتحى وإصابة عدد من الأقباط على آثر أحداث …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *