الثلاثاء , مايو 19 2020
محمد فتحى

الكنيسة مش هتبقى رماد

تدمير و تفجير و رماد

ناااااااار و مرار و دمار

ضحايا و شهداء صماد

فى كنيسة للعبادة دار

مهما فضلت تحرق فيها

ربنا بيمطر عليها بالسلام

نار الكنيسة ربنا بيطفيها

دى حقيقة و مش كلام

مهما أن تولع فيها و تقيد

الكنيسة أقوى من نارك

ليه كرهك ليها عمال يزيد

كأنك بتاخد منها تارك

يا شيطان الحقد ماليك

ليه بتحرق فى الكنيسة

ليه الكره و الشر عاميك

دى غالية مش رخيصة

أطفى نارك من جواك

كفاية شر كفاية غل

ليه شيطان الشر ملاك

أمتى كرهك للكنيسة يقل

أبعد عن الكنيسة و طريقها

لأنك مش هتبقى قد ربها

كل أيدين قادت فى حريقها

من السما هتشوف ردها

على الكنيسة متقواش

لأنك بشر ضعيف

أفتكر بكرة متنساش

فيه رد سماوى عنيف

الكنيسة مش هتبقى رماد

لأن اللى حاميها فى العالى

بكرة هتشوف الرد المضاد

ده حق الكنيسة غالى

خاف من الشر خاف

أبعد عنه و أتهرب

اللى قبلك ياما شاف

أسأل كمان مجرب

كلمات : محمد فتحى

شاهد أيضاً

أردوغان يزدري المسيحيين بتركيا ويهدد الخليجيين

هاني صبري – المحامي استخدم الرئيس التركي رجب طيب أردوغان، خلال مؤتمره الصحفي عن فيروس …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *