الخميس , ديسمبر 2 2021

يا كرستين حقك جاى

أيه الحكاية و أيه القضية

ده قرب يشيب شعر الراس

هو الدم الطاهر مالوش دية

ولا معدش له تمن خلاص

هى الروح صبحت رخيصة

ولا معدتش خلاص تساوى

فى رسالة محمد و عيسى

محرم القتل من رب سماوى

آدى كرستين راحت السما

بريئة و طاهرة و بنت بنوت

أتقتلت بغدر و كره و عمى

مبروك عليها الملكووووت

سافرت من أربعين يوم

راحت لرب كريم و حى

أطمنى الظلم مش هيدوم

يا كرستين حقك جاى

الحق بيمرض و مش بيموت

بيفضل عايش طول الطريق

مهما العمر يعدى و يفوت

الظالم أخرته ضلمة و ضيق

ربنا موجود ربنا موجود

مش هيضيع حقك بلاش

مهما كان الطريق مسدود

أطمنى ربنا فعلا مبينساش

يطول الظلم و مينتصرش

ولا بيوصل للأعالى

صوت الحق مبينكسرش

بيفضل دايما عالى

يا كرستين يا كرستين

السما بيتك و مكانك

عند الشهداء و القديسين

أنكتب خلاص عنوانك

كلمات : محمد فتحى

شاهد أيضاً

الخبير القانوني ميشيل حليم يعلن تطوعه في الدفاع عن قضية الفنان رشوان توفيق على خلفية أزمته الأخيرة مع نجلته

أمل فرج أعلن المستشار ميشيل إبراهيم حليم ـ المحامي بالنقض، ومستشار مفوضية الأمم المتحدة بالشرق …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *