الأحد , ديسمبر 5 2021

لا صليب هيختفى ولا هلال هينطفى

بسم الله و بسم الصليب

على الوطن الغالى الحبيب

مصر المحروسة

الحلوة العروسة

القلب الصافى الحليب

كلمة منى ليكم يا أولادنا

للى مش عارف مصر بلدنا

دى أمنا

جوة دمنا

ياما ضحوا عشانها أجدادنا

دى مصر أم محمد و مينا

أم فاطمة و أم فيلومينا

كتبها الخط

هى الشط

هى المرسى و دايما مينا

قالها سبحانه رب العالمين

أدخلوها بسلام أمنين

قالها ربنا

مبارك شعبنا

أرض الأنبياء و المرسلين

ربنا طول الوقت مباركها

ولا عمره كان أبدا تاركها

غالية عليه

حارسها بعينيه

فى كل لحظة هو مشاركها

بلدى مذكورة فى كل كتاب

بلدى دى أقوى من الأرهاب

شعبها جيش

زيه مفيش

فى حمايتها عمره ما خاب

لا صليب هيختفى

ولا هلال هينطفى

هتفضل بهية

قادرة و عفية

دى الأرهاب عليها ياما حفى

دايما يا مصر منصورة

تملى فى أحسن صورة

اللى زيك

بنورك و ضيك

صعب أبدا تكون مكسورة

كلمات : محمد فتحى

شاهد أيضاً

أول حكم قضائي ضد سايس متهم بتعذيب كلب بمصر الجديدة (مستند)

أمل فرج قضت محكمة مستأنف شرق القاهرة، اليوم ، بتأييد تغريم سايس متهم بتعذيب كلب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *