السبت , نوفمبر 23 2019
الرئيسية / منوعات / علاء عبد الهادى والعم مجدى الذى وافته المنية داخل محبسه

علاء عبد الهادى والعم مجدى الذى وافته المنية داخل محبسه

عم مجدي الراجل الجدع ده في 2017

لما اتقبض عليا بسبب انتمائي لثورة يناير

وبسبب ارائي السياسية كان محبوس علي ذمة قضية

في قسم الأقصر استقبلني وأكرمني

وياما خفف عني .. كان كريم بشكل مش منطقي

في مكان محدش فيه بيمثل ولا بيصطنع شخصية

غير شخصيته ورغم اني مطولتش وكانت مجرد أيام

إلا انه ترك في نفسي اثر لا يمحي عن ابن البلد الجدع والسند

ولفت الأيام واتحبست تاني في نفس السنة لنفس الأسباب

وبرده هو اللي استقبلني بنفس الشهامة والرجولة

بعدها تم إخلاء سبيله ورحت زرته في ورشته

وقعدت معاه نفتكر الأيام اللي كانت كتيرة عليه جدا ..

ولفترة قريبة بقيت أمر الاقي ورشته مقفولة

وكلمت ابن أخته قالي أنه اتقبض عليه تاني علي ذمة نفس القضية ..

 وللأسف ملحقتش ازوره !!

والنهاردة جاني الخبر اللي وجع قلبي أنه أتوفي في الحبس وكمان ساعة وحمشي في جنازته

والله يا عم مجدي أنت إنسان حر وجميل وجدع وكل اللي عرفك بيقول عنك كده ربنا يرحمك ويغفر لك ويصفح عن سيئاتك ويجازيك بشهادة واحد زي وغيري خير بقدر ما قدمت من خير في مقام هو اللي  بيوضح معادن الرجال

الفاتحة والدعاء

شاهد أيضاً

بالصور: أحدث تقاليع الزفاف عروس بالحجاب والفستان العارى تشعل الفيس بوك .

أنتشر على شبكة التواصل الاجتماعى صورة لعروس تونسية محجبة ترتدي فستانا عاريا تحت مسمى أحدث …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *