الخميس , ديسمبر 12 2019
الرئيسية / منوعات / (هاعمل جرد)

(هاعمل جرد)

ما يكل مكرم
السنة خلاص في نهايتها
وانا قررت هاعمل جرد
هانزل ناس أنا عليتها
وهارفع ناس كانوا في الارض
أصل الكل علي أصله بان
مين كان ندل ومين جبان
ومين عمره ما أتخلي عني
وقت الشدة وقت الهوان
هاعمل تصنيف للناس في حياتي
كل واحد حسب غلاوته
والقلب اللي كان طيب يوماتي
خلاص قررت ابين قساوته
ولجنة الجرد هتكون
قلبي وعقلي وضميري
وماعدش حد عليا يهون
غير اللي سابني وراح لغيري
فيه ناس هجردها بعقلي
اشوف مين صالح ومين تالف
وناس تانية هاجردها بقلبي
دول ياما كنت عليهم خايف
طلعوا مايستاهلوش اساسا
أني حتي افكر فيهم
والامر بقي محسوم بتاتا
ومن ذاكرتي خلاص هامحيهم
وناس كتير كنت ناسيهم
وفي المحن عرفت قيمتهم
ومن دلوقت بروحي شاريهم
وجوا قلبي انا خبيتهم
وهي دي فوائد الجرد
اعرف حقيقة الناس حواليا
انزل مين لسابع أرض
ومين يفضل جوا عنيا
ومين عمري ما أستغني عنه
وأديله قلبي وعقلي وروحي
وطول الوقت أقرب منه
وبنظره ليه أداوي جروحي
مع حبي

شاهد أيضاً

الأهرام تهنىء المحامى حمدى الجزار بمناسبة حصول ابنه على ماجستير فى القانون

تتقدم إدارة مؤسسة الأهرام الكندى بأجمل التهانىء القلبية الى  المحامى والكاتب المحترم  حمدى الجزار  بمناسبة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *