الخميس , يناير 16 2020
الرئيسية / مقالات واراء / ماجدة سيدهم تكتب : اعترضوا بقا على الحج
ماجدة سيدهم

ماجدة سيدهم تكتب : اعترضوا بقا على الحج

علشان تعرفوا العقلية دي بتفكر ازاي.. .كل الحكاية ..أن أحمق متسلط على حد طيب ..أو جاهل (دي مش شتيمة )

ولما الطبيبات الحلوات راحو ضحية التهديد والاستعجال غير المبرر .. يطلع علينا زي كل نكبة التصريح الجاهز والفوري والأشهر والأكثر رواجا وصلاحية والمنقذ من أي مسؤولية لحتى يخرس الرأي العام كله .وهو رحلات الحج الفخيمة(..لأسر ضحايا أو شهدا أو ….)

الناس دي مش غبية.. لكن عارفين كويس أوي أن كلمة الحج في حد ذاتها حا تثبت الناس وحاتهدي الرأي العام كله .. وكله حايجيب ورا وماحدش حا ينطق بما فيهم أهالي الضحايا ..بصرف النظر إن كان فيهم أقباط ولا لأ.

ايوه بيثبتونا .. طيب حد كدا يعترض ويقول الحج لأ وعاوزين حق بناتنا اللي لولا خوفهم من التهديد ماكنوا سافروا بالشكل دا بالرغم من وجود بدائل تانية .. طيب هاتوا حق البنات دي ومحاسبة كل مسؤول بجدية ولو لمرة واحدة في حياتكوا وبالتعويض اللائق واللي يادوب يحترم عمق حسرة أهاليهم ووجع قلب كل أمهات مصر ..لكن اغلب الظن وللأسف حاتلاقوا البهاليل والمؤمنين والصفحات قامت وهاجت واتحولت القضية لازدراء الحج ….وبكدا يخرج المسؤلين زي الشعرة م العجين .. فلة …

بالظبط نفس منطق اوعي تقرب من الحجاب ..كله الا المصلية .إياك والصحيح ..كله الا كتاب الدين …

هو فيه ايه يا مسؤولين …ماشبعتوش دروشة واستخفاف بنكابات الناس ..

أما ليه الحج ومشقة السفر(على عيني وراسي لما يكون في محله ) ..لأن دي الوسيلة اللي من وجهة نظركوا اللي حاترمي القلوب المكلومة دي في قلب الدعاء واللهم لا اعتراض على قضائك وبلواك ..ويرجعوا ياولداه شايلين أطنان من الصبر والمقدر والمكتوب …

بس على فكرة دا مش صبر …دي خيبة أمل في دولة مابتعرف تحترم مواطنيها ولا بتحاسب مسؤول على رعونته ولا بتجيب حق ضحايا فيها

أدي العقلية اللي بتصنع القرار .. لسه عندي امل في الناس اللي طقت م القهر .. .

شاهد أيضاً

آثار الاتفاق التجارى بين أمريكا والصين وأبعاده

هاني صبري – المحامي وقعت الولايات المتحدة الأمريكية والصين في البيت الأبيض، المرحلة الأولى من …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *