الخميس , مارس 28 2024

السبحة فرطت

ماجدة سيدهم

واحد ورا التاني ..والباقي ف السكة .. طيب واستويتوا كدا خلاص ..جميل جدا..ادفعوا اللي عليكوا .. تمن دم وخراب وترويع .. تمن أجيال راحت ف الوبا ولم تعد صلح لشيء نهائي. .تمن دعوة اللاجئين للهجوم بغزو أوروبا واغتصاب ذوات الشعر الأصفر بلا رحمة وسرقة ممتلكاتهم واستحلال دمهم…

تمن دم شهدا كتير ع الحدود وفي عز شبابهم وعز صيامهم سبق دمهم فطار رمضان .. تمن دم ودموع كتير لكنايس اتفجرت والدم لسه على الزعف و الجدران .. .تمن خطف ونهب وتعرية وذبح أقباط الوطن .. تمن استحلال دم المفكرين والتنويرين ولكل من يقف ادامكم بالمواجهة والسؤال .. تمن حرق الشباب الحر وهم أحياء ..

تمن ضياع وتمرد شباب كتير بالإلحاد والانتحار .. تمن تكسير عظم الستات والبنات بدفنهن وختانهن واحتقارهن وتكفينهن ومفاخدتهن وإذلالهن واستحلال اغتصابهن والتحرش بهن .. تمن انتهاك الحيوانات بحق النكاح ..

تمن تحريم كل العلوم والفنون والتعايش واحتقار الوطن وتحطيم الحضارة ومعاداة وكل آخر ..

تمن انتشار الخرافة والقذارة والكذب والغش والانحطاط الاخلاقي..

تمن انتشار أنجس الفتاوى العار وأحقرها .. اللي حولت أغلب الرجال لمجرد ذكور هائجة مطلوقة في الشوارع .. وقدمت الجنة بأنها أقذر بيت دعارة كمكافأة همجية للمؤمنين بكم في حضرة إله شبهكوا ..قواد ..

تمن تقديس كتب التراث والفواحش العار بإعنتها واللي شوهت العقل والقلب وجعلته فعلا نجيس ..

تمن احتقار البسطاء بدفعهم للمزيد من الجهل والخرافة والجهاد والتناسل والتعدد وكراهية الغرب بحضارته وتخريب كل جميل وجدتموه ببنما انتم تمرحون وتأكلون وتمتلكون أحدث التقنيات وأغلى الماركات و تتعافون بأحدث مشفيات الغرب ..

تمن الدعاء كالنعيق باليتم والبلاء والكراهية على كل من بختلف عن عقيدتكم ومن أعلى منابر الشر

تمن الثروات المتوحشة اللي نهبتوها من جيوب الفقراء.. لإرضاء شهواتكم ونزواتكم المبتذلة ..

تمن صدمة مريديكم في هذا الندم .. فمازالوا يبررون لكم كل شيء حتى الندم وكأنه من شيم الثعابين ..

تمن حاجات كتير ضاعت ..تمن الحلم اللي اغتيل و بكرا اللي ضاع بسبب جهلكم ونجاسة قلوبكم ..

سؤال ..مين من الناس الغلابة يقدر يطلع ويقول وأنا كمان ندمت أني صدقتهم ..؟

استويتوا خلاص وندمتوا …لازم بقا تدفعوا التمن .. بينا وبينكوا وطن بحجم خوف وبعمق دم كتير راح ..

ياريت الناس تفكر شوية وتفهم لما نبع الفلوس اتغيرت توجهاته بانت الفضايح كلها جاية منين .. تفتكروا حايدفعوا التمن ولا….!



شاهد أيضاً

يتساءل الجهلاء : أليس المحجبات مثل الراهبات؟

إسماعيل حسني الراهبة إنسانة ميتة، صلوا عليها صلاة الميت يوم رهبنتها رمزاً لمغادرتها العالم المادي، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.