الثلاثاء , يناير 4 2022
أخبار عاجلة

رد فعل شاكوش على قرار وقفه

نازك_شوقى

رد المطرب حسن شاكوش، مغنى مهرجان “بنت الجيران”، على الفنان هانى شاكر نقيب الموسيقيين، قائلًا إنه سبق له أن اجتاز امتحانات النقابة ونجح فيها، وغنى أمام النقيب، الذى أشاد بصوته وادائه.

وقال “شاكوش” خلال مداخلة هاتفية ببرنامج “الحكاية” مع الإعلامى عمرو أديب، :” سألتزم بقرار نقيب الموسيقيين وراض عنه، ولا يوجد أي مشكلات فى ذلك.. وقد وعدت الفنان هانى شاكر من قبل بتغيير كوبليه خمور وحشيش”، معقبًا: “فوجئت خلال الحفل الأخير بإن النسخة الأخيرة شغالة.. ورحمة أبويا مضيت تعهد بأن أى كلام إسفاف مش هقوله.. يمكننى غناء كل الألوان”.

وأردف: “أنا عايز أعرف أنا أذنبت في إيه عشان أتعاقب العقاب ده كله، وأنا رايح أفرح الناس، وهل الغلط إني كنت رايح أفرح الشعب ده كله، وإحنا مش ذنبنا حاجة، والولد بتاع الدي جي مرضيش يوقف البلاير بتاعي”.

وأضاف: “اللي أنت متعرفوش إن والدتي تعبانة ووالدي متوفي وبصرف على والدتي وأهلي وأخواتي، وأنا اللي شايل أخواتي كلهم، ومحدش عارف حاجة ومحدش حاسس باللي أنا فيه، أنا كانت أمنية حياتي وأنا لعيب كورة إن أقف وسط الجمهور ده، وربنا ما أردش واتظلمت واتبهدلت في الكورة، وأنا حسيت الإحساس ده في الحفلة، ومن كتر الفرحة كنت هعيط، وأنا بعد الحفلة ما خلصت والدتي كانت بتكلمني، وبتعيط”.

وأشار إلى أنه سيتعرض لمشاكل كبيرة بسبب قرار هاني شاكر، “إحنا واخدين فلوس وعرابين وماضيين عقود وشروط جزائية، وحفلات برة مصر، والناس بتكلمني وبتهددني إنهم مش هيسيبوني،
مستطردًا :” دى أول غلطة.. وأنا مش عارف أعمل إيه؟”.

شاهد أيضاً

حكومة أونتاريو تعلن عن فرض قيود جديدة لمدة 21 يوماً

كتبت ـ أمل فرج تشهد أونتاريو هذه الأيام ارتفاعاً فى وتيرة الإصابة بالمتحور الجديد لفيروس كورونا ” أوميكرون ” …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *