الخميس , مايو 21 2020

إزاي أنساها

مايكل مكرم
كتير قالولي انساها
ده حبك ليها ع الفاضي
قولتلهم لسه بهواها
سيبوني في حالي انا راضي
طيب حد يقولي إذاي أنساها
وأنا ليل نهار بحلم بلقاها
حتى وهي عني بعيدة
قلبي وعقلي راحوا معاها
طول الوقت بفكر فيها
حتى ليلاتي بحلم بيها
سامع صوتها تملي شايفها
وجوا قلبي أنا مخبيها
مهما أحاول اداري واخبي
هي وبس تملي في قلبي
تمر عليا أيام وليالي
وبرضه هايفضل زايد حبي
من وسط بنات الدنيا حاببها
ومهما حصلي عمري ما سيبها
فرحة عمري بتكمل بيها
لو حتى تطلب نجمة هاجيبها
هي أغلى بنات الكون في عنيا
وجودها مالي الدنيا عليا
هاطلب ايه تاني من الدنيا
وأنا ربي بعتلي أغلى هدية
وهي معايا بنسى الكون
كان ياقلبي الله في العون
لو لحظة بس بتبعد عني
بتلاقوني بقيت مجنون
عايزيني ياروحي أنساكي
واعيش بس لذكراكي
فاكريني اقدر على بعادك
مش هنساكي يا ملاكي
هاتفضل روحي عشقاكي
وهايفضل قلبي يهواكي
وكل أملي أوصلك
وأكمل عمري وياكي
هاشيلك دايما فوق الراس
واخبيكي من كل الناس
يا ملكة عمري ملكتي حياتي
وسكنتي قلبي يا روحي خلاص
مع حبي وإخلاصي

شاهد أيضاً

أحمد السبكى وكلمات فى حق إنسانة مصرية مجتهدة

ترك ترك أو الدكتورة مني بط تلك الإنسانة الراقية التي تمثل قوة وإرادة المرأة المصرية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *