الخميس , يونيو 4 2020
ماجدة سيدهم

ليه الستات حبت بنت الجيران

بقلم / ماجدة سيدهم

ليه الستات بالذات حبت بنت الجيران ..غنوها ورقصوها

الحكاية ببساطة أن البنات أول مرة. ومن غير سابق إنذار تسمع كلام حلو من غير ابتذال .. كلمات فيها معاكسة بحياء ومن بعيد لبعيد ..زي زمان كدا ..

مين ماتحبش تسمع يتقال لها كعبك محني والعود عليه القيمة..شوفت القمر سهرني لياليا ..ياجمال مراية العين ..لو حاتمشي هناديكي ..أنت ليا وأنا ليكي … .ورغم الصورة دي مش موجودة بشوارعنا لكن كل بنت جواها أنثى حية ومخنوقة في نفس الوقت وماتت بنت الجيران من زمان وماتت كمان جدعنة ابن الجيران

أجيال كاملة من البنات كبرت وشاخت وماتعكستش و في نفس الوقت كلهم اتعرضوا للانتهاك والتحرش والاغتصاب والاستغلال حتى من اقرب الناس ليهم

فلما تطلع بنت الجيران فجأة وتطل من شباك الكبت .. وينزل السكر المحلي على الكريمة ينادي ف الشوارع بأحلى مزيكا ويقولها خلي شباكك مفتوح ليه تقفليه لازم يحصل الهوس دا والصراخ دا والرقص دا ..

دي نتيجة طبيعية جدا للشباك المقفول..

(خللي بالكوا الشباك لازم حايتكسر )

شاهد أيضاً

د. عاطف المصري

نظره في ملف الأحزاب السياسيه

الأحزاب السياسيه ركن أساسي بل رئيسي في الحياه السياسيه ومن المفترض ان تعمل هذه الاحزاب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *