الأربعاء , يوليو 1 2020

أمل جديد لكورونا ” عقار ثايموكينون” والأهرام تنشر التفاصيل

أكد الدكتور سامح أحمد الطبيب المصرى الأمريكى والاستاذ المساعد بجامعة تاوفتس الأمريكية بأن أمل جديد قد خرج لعلاج كورونا حيث أكد ان الهيدروكسي كلوروكين في المعمل يعمل على وقف نمو فيروس كورونا بمنعه من الخروج من الديسموسوم والذى يدخله الفيروس من جدار الخلية حتى يصل لهدفه في سيتوبلازم الخلية بمعني اوضح الفيروس يدخل الخلية داخل فقاعة تحمله من خارج الجدار حتى داخله حتى يخرج من الفقاعة وقتما يوصل لهدفه والمنطقة التى يسيطر فيها على الكاينيزات أو البروتينات المحركة للخلية ويعمل نسخ شبهه


وحتى يخرج لا بد أن تتطور الفقاعة من ديسموسوم للنوع النهائي وتبقى اسمها ليسوسوم وعلشان تكبر لازم يكون الوسط حمضي وهنا بيشتغل الهيدروكسي كلوروكين ويحول الوسط جواها الى وسط قاعدي فيحبس الفيروس مايعرفش يخرج

طيب ليه فشل الهيدروكسي كلوروكين في علاج فيروس كورونا بشكل قاطع واحنا متأكدين انه بيعمل كده؟؟؟

السبب ان جزئ الهيدروكسي كلوروكين بيتفاعل مع المياه أو محب للمياة فحينما يصبح دخل يلتصق بانسجة كتير ويكون تركيزه عند الهدف قليل وعلشان يقتل الفيروس بشكل مباشر لازم يكون طارد او كاره للمياه علشان يقدر بلزق في الغشاء السكري اللي الفيروس بيحاوط بيه نفسه

وده سبب الاختلافات الكبيرة في نتائج الابحاث عليه

لكن فيه مركب تركيبه شبهه اسمه
ثايموكينون
المركب ده اقوى بكتير من الهيدروكسي كلوروكين وثبت اثره في مقاومة الفيروسات كالاتي:
١- اثر قاتل مباشر للفيروس
٢- اثر يمنع انقسام الفيروس 
٣- اثر قاتل للبكتريا اللي بتسبب التهاب رئوي ثانوي بعد الاصابة الفيروسية 
٤- اثر مضاد للالتهاب اللي بيسببه الفيروس وفي الحالة دي بيشتغل زي السيليسوكسيب (سيليبريكس)
٥- اثر معدل للمناعة وممكن يمنع العاصفة المناعية وفي الحالة دي بيشتغل زي الكورتيزونات (ديكساميثازون او ميثيل بريدنيزولون)

وبالتالي الثيموكينون بيشتغل بشكل غير مباشر ويمنع انتشار الفيروس لانه بيمنع ان الفقاعات اللي شايلة الفيروس تكبر وتفتح تطلع الفيروس بنفس الطريقة اللي بيعملها هيدروكسي كلوروكين لكن بالاضافة هو بيقتل الفيروس مباشرة بالملامسة لان الثايموكينون مركب طارد للمياه فبيلزق في الغشاء اللي الفيروس بيحاوط بيه نفسه ويقتله بشكل مباشر علشان كده في البحث قالوا عنه انه بيشتغل كدرع وسيف في وقت واحد ضد الفيروس

بسبب امكانياته القوية استخدم في علاج امراض كتير منها الانفلوانزا H9N2 وبكتريا زي الكلاميديا وكتير من الامراض موجودة في المراجع المرفقة مع البوست

المشكلة الوحيدة ان تركيزه في الرئة ضعيف علشان هو مركب طارد للمياه لكن اتغلبوا على المشكلة دي بتكنولوجيا النانو وتم وضعه في كبسولات نانو تشيله جوا الجسم لحد ما يوصل للهدف وبعدين تتكسر ويخرج الثايموكينون يقتل الفيروس او البكتريا المستهدفة

حاليا فيه ابحاث نانو عليه علشان يوصل للرئتين

طيب ايه مصدر الثايموكينون؟؟؟

ثايموكينون هو مركب رئيسي في الزيوت الطيارة لبذور نبات النيجيللا ساتيڤا او المعروف باسم زيت الكمون الاسود او زيت الحبة السوداء
الجرعة اللي استخدمها احد الباحثين اللي كتبوا المقال لمًا جاله اصابة بفيروس كورونا اكلينيكيا كانت ٥ مل (معلقة صغيرة) ٣ مرات في اليوم لمدة ٨ ايام يعني الجرعة الكلية كانت ١٢٠ مل والاعراض راحت

الثايموكينون اقوى بكتير من هيدروكسي كلوروكين لانه جزئ اصغر وبيقتل الفيروس بالملامسة لسطحة بالاضافة لمنع خروجه من الفقاعة اللي شايلاه عن طريق قلونتها (تحويل الوسط لقلوي)

الاثر الفعال لمركب ثايموكينون ضد العديد من الفيروسات والبكتريا ثابت علميا في دراسات كتير سابقه ها نحطها في البوست 
وده يدينا امل ان بعد ما نقدر نحطه في كبسولة جزيئية من مادة نانو توصله للرئة نقدر نختبر اثره في الدراسات السريرية اللي تتعمل عليه لعلاج فيروس كورونا

ثابموكينون 
امل جديد في علاج فيروس كورونا

شاهد أيضاً

منظمة الصحة العالمية تعلق بشأن الفيروس القاتل الجديد G4

متابعة / أمل فرج يترقب العالم بقلق شديد ما أذيع عن فيروس الخنازيرG4 الذي يظهر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *