الجمعة , أكتوبر 23 2020

القواعد الأربعون لما تلاقي زوجتك بتعيط

الدكتور جوزيف شهدى

١- اوعى تقول اسيبها لما تروق لوحدها 
ده معناه انك تركتها و خزلتها و ما وقفتش جنبها في محنتها 
٢- اوعى تفضل واقف جنبها 
ده معناه انك سلبي 
٣- اوعى تسألها في ايه 
ده معنى انك مَش عارف 
٤- اوعى تسكت و ما تسألش 
ده معناه اهمال و عدم اهتمام 
٥- اوعى تقول لها انها نكدية 
هتدفع ثمن الكلمة دي بقية عمرك 
٦- اوعى تروح تطبطب عليها 
هتقول لك هو عيلة صغيرة 
٧- اوعى تبين انك متضايق 
ده معناه تسفيه لها 
٨- اوعى تبين انك فرحان 
ده معناه سخرية من مشاعرها 
٩- اوعى تسألها بعصبية 
ده هيزود العياط 
١٠ – اوعى تسألها بابتسامة 
ده معناه تهكم من احاسيسها 
١١- اوعى تقول لها فيه حد مات !؟ 
الرد مَش هيعجبك و سيطال احد من اهلك
١٢- اوعى تجيب سيرة اهلك 
هتلاقي العياط زاد و هتفكرها بسنة ١٩٣٤ لما جدك اشترى عسلية و ما رضيش يدي جدها 
١٣- اوعى تجيب سيرة اهلها 
علشان هتفتكر هما عملوا ايه معاك و انت ما تمرش فيك 
١٤- اوعى تسأل عن الاكل حتى لو كنت بتموت من الجوع 
واضحة طبعا 
١٥ – اوعى تفتح التليفزيون لو فيه ماتش مهم 
علشان الموضوع هيوصل لعيلة ميسي و اهل رونالدو 
١٦- اوعى يبان عليك انك محتار تعمل ايه 
ده معناه انك عامل عملة سودا 
١٧- اوعى يبان عليك انك مقرر تعمل ايه 
ده معناه انك عارف الموضوع 
١٨ – اوعى ترد على التليفون 
دي مصيبة سودا 
١٩- اوعى تليفونك يرن 
هتنسى هي بتعيط ليه و هتبدأ موضوع جديد انيل من موضوع العياط 
٢٠- اوعى تنادي على اولادك و تسألهم ماما بتعيط ليه 
علشان شكلك ما يبقاش وحش قدامهم 
٢١-٤٠ نفس العشرين اللي فوق بس بعد ما تبطل عياط 
شعؤلا النصايح السهلة دي

شاهد أيضاً

أنا مش من البلد دى

أعيش هذه الأيام حالة غير مسبوقة من الارتياح النفسي لعدم مشاركتي في المعترك السياسي ووجودي …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *