الأربعاء , أكتوبر 27 2021
محمد صلاح

أجمل ما فى 2020 رسالة مواطن إلى محمد صلاح “رسالة تخلى الحجر ينطق”

دي تقريبا أحلى حاجة قريتها في 2020 رسالة كتبها مواطن اسمه أبو كارما لنجمنا العالمي محمد صلاح وهسيبكم بسرعة مع الرسالة علشان هي أحلى وأصدق من أي حاجة ممكن تتقال عنها..

الرسالة بتقول

“اوعى تكون مستقِل باللي انت بتعمله! يابني أنت مقعد بلد بحالها تتابع الكورة هتيجي في رجلك امتى وهتعمل فيها ايه، اللي بيباصي لك بنحبه واللي بيبخل عليك بنكرهه ، الناس في البيوت والقهاوي بيتفرجوا ويدعولك، واللي في المواصلات ماشيين في الشارع يسألو عليك، واللي مالوش في الكورة بيحاول يعرف عشانك ماعدناش شايفينك مجرد لاعب كورة، كل واحد فينا شايف فيك أحلى حاجة منه، فرحان بنجاحك اللي معرفش يحققه، ومبسوط لك باللي هو مقدرش يعمله في مجاله.

اللي بتعمله في انجلترا عَلّيت بيه مستوى طموحنا لدرجة إننا بقينا زعلانين إن لسه ما وصلتش لاحسن لاعبى العالم وهتتحقق ان شاء الله املنا فيك كبير وهتوصلاحنا

كنا جعانين نجاح يا صلاح، كان نفسنا في رمز العالم يقول اسمنا بسببه ولقينا عندك أكتر من اللي خيالنا وصل له بكتير، بكتير أوي والله يانجم ديربي المرسيسايد، يابطل ليفربول الأول، يا لاعب الشهر في انجلترا، ياهداف أقوى دوري في العالم، ياظاهرة كرة القدم حالياً يا راجل دا حتى التطبيل ليك بقينا نحبه ونشوفه أقل من قيمتك.

ربنا يسعدك يا أبو مكة

شاهد أيضاً

تفاصيل حادث تصادم مروع وإصابة أسرة بأكملها من بينهم رضيع في قنا

أصيب 6 أشخاص من أسرة واحدة بينهم رضيع، اليوم الأربعاء، في حادث تصادم تروسيكل و«توك …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *