الثلاثاء , فبراير 9 2021
شريف رستم

الشاعر شريف رستم يكتب طلبات وطموحات المصريين بالخارج

( برقية لمصر ) : كفايا سكوت

ن 1 :

***

خدتنا الغُربه ورضينا .. نكون برّه أراضينا وجاهِل – مِن يقول عنّا – طلبتينا .. وما رْضيناوماهِل – مِن يكون منّا – ولملِمنا .. وتيجي انتي .. تعارضينا !! بأنّك – تحرقي – فينا .. وجَع مكبوت فأرجوكي – تحِسّينا – بلاش في لحظه تنسينا كفايا سكوت – بلاش – ترمينا بعد الموت !!——————

ن 2 :

***

ولادِك – برّه – بالملايين .. عشانِك – يدفعوا – الملايين رسوم وضريبه – والتحويل – وفرق العُمله بالملايين ولينا في الوطن .. ميامين .. شَرينا بيت – وقبر – وغيطحصيلة غُربه ليها .. سنين .. ولمّا – وقتنا – بيحين ..بدون كلمة عزاء – فينا .. كمان – ندفع – تمن جثامين ؟عشان – فيكي – نكون عاشقين .. ومدفونين !فأرجوكي – تحِسّينا – بلاش في لحظه تنسينا كفايا سكوت – بلاش – ترمينا بعد الموت !! —————–

ن 3 :

***

بلاش تهميش – لأولادك – بدون داعي بلاش حَشْدِك لنا – جُمله – ونغْزِك فينا .. قطّاعي عشان احنا – عيدان زرْعِك – وبنيان شعبِك الواعي ولا عِشْقِك .. يفوت م القلب – غير – بالموت بإسمك – طوفنا – في الميادين – ولا هدأِت – حناجرنا وعشنا – ثورتين – اتنين .. لا بيكي في شِدّه – تاجرْناولا كُنّا في إيد – مخلوق – ريموت .. وروبوت فأرجوكي – تحِسّينا – بلاش في لحظه تنسينا كفايا سكوت – بلاش – ترمينا بعد الموت !! —————-

ن4 :

***

يا مسكونه – في نبض القلب – يا أيقونه .. لضيّْ العين يا مكنونه فْ كتاب الله .. يا محقونه فْ وريد ملايين ومعجونه – في أحلامنا – وجاريه بحُبّ في الشرايين لا لينا – وزاره – تجمعنا .. ولا – نوّاب – بتسمعنا !ولمّا – نموت – في غُربتنا .. ولا سفاره .. بتنفعنا !كأن – احنا – كيان وهمي .. مالوش أوصاف ولا معنىَ ! فهل – معناه – نكون جاحدين !! .. لا واللّهِ .. إيجابيّين فأرجوكي – تحِسّينا – بلاش في لحظه تنسينا كفايا سكوت – بلاش – ترمينا بعد الموت !! —————–

ن 5 :

***

إحنا ( عُشْرِك ) .. واحسبيها – هتلاقينا – حّد أدنىَ رُبع شعبِك .. تِلْت شعبِك – لينا حِسّ – ولينا وصوتيعني مِش – بس – احتسابِك – لينا – عُملة .. بنكنوتفأرجوكي – تحِسّينا – بلاش في لحظه تنسينا كفايا سكوت – بلاش – ترمينا بعد الموت !! ————-

ن 6 :

***

باعاتبِك – إنتي – مِش أشخاص .. عتاب بالحُب والإخلاص وانا واعي .. لفرْق القيمه بين – قامه – وبين بلاّص وكاشِف مين – في غُربتنا – مَناص – لينا.. ومين بصّاص .. ومين مصّاص .. ومين بِصباص – ومين لتّات – ومين خبّاص .. ومين يدفع – عشان – صوره .. ومين في الزفّه – كان – رقّاص ! ومين عسّاس – ومين جسّاس – ومين هَلاّس ومين ناهِش .. في عَرْض الناس !!ودول – حفْنَه – في وسْط الناس ..بتهرب في الجحور – لَمّا – نعلّي أدان .. وتعلِن – في الميدان – أجراس !!فأرجوكي – تحِسّينا – بلاش في لحظه تنسينا كفايا سكوت .. بلاش .. ترمينا بعد الموت !بلاش ترمينا .. بعد الموت !بلاش ترمينا بعد .. الموت !

شاهد أيضاً

في ذكرى رحيل أم كلثوم ( كوكـب لا ينطفئ)

بقلم : ألبير ثابت فهيم مهما مرت الأيام والسنين ، ستظل ذكراها وأغانيها خالدة في …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *