الإثنين , سبتمبر 27 2021

إصابة مذيعة مصرية بالسرطان ، وشريف مدكور يدعمها

نازك شوقى

ما اجمل أن تجد من يدعمك فى لحظات ضعفك وألمك ومرضك فقد دعم الإعلامى شريف مدكور صديقته المذيعة لينا شاكر بعد مرضها بالسرطان، ونشر عبر حسابه الشخصى على موقع التواصل الاجتماعى “فيس بوك”، قائلا: “صديقة عمري وأختي واللي كانت جنبي في مرضي كل لحظة من أول العملية لكل جلسات الكيماوي”.

وأضاف شريف مدكور: “لينا شاكر كانت جنبي تقويني وتقولي هاتقوم وهترجع زي الحصان، وبعدي بسنة يجيلها نفس الهدية من ربنا، وكانت في كل لحظه قوية وراضية مش عارف أكتب إيه ولا إيه، ربنا يتمم الشفا ليكي ولكل مريض سرطان“.

ويبدو أن المذيعة لينا شاكر قررت أن تواجه مرض السرطان بالأمل والعزيمة، حيث خضعت لجلسة تصوير بعد سقوط شعرها نتيجة الكيماوى التي تخضع له حاليا، ونشرتها عبر حسابه الشخصى على موقع التواصل الاجتماعى فيس بوك، وشكرت فريق العمل الذى قام بتصويرها، كما نالت العديد من التعليقات الداعمة لها والدعاء لها بالشفاء.

وكتبت لينا شاكر على حسابها الشخصى بموقع “فيس بوك”: “أنا كان بقالي سنين كتيرة ماعملتش فوتوسيشن، وقررت إن ده الشكل اللي هعمل بيه الفوتوسيشن دي.. إنى أكون من غير شعر، عشان ده حالي، وأفكرني وأقول لكل واحد أو واحدة بيمروا بالتجربة دي، أنتم مش لوحدكم، ملايين بيتعرضوا لها يوميا، وبجد دي مش آخر الدنيا، صحيح أنا ماقدرتش أنزل أمشي في الشارع كدة، بس أنا قادرة أتصور كدة، وأحطها عندي على الـwall، وما أكونش مكسوفة أو متضايقة وأحطها على كل الـgroups اللي أنا فيها عشان نشجع بعض، إننا مانزعلش ولا نكسف وأن ييجي اليوم اللي نقدر نمشي في الشارع كدة، ومانشيلش هم الباروكة ونكون أقوياء وراضيين”.

وتابعت: “أنا بكتب الكلام ده، وأنا خلصت خلاص، والحمد لله عدت، واللي جاي أحسن إن شاء الله، أما بقى حكمته، فأنا لسه ماعرفتهاش، بس أكيد حعرفها، وأكيد حياتي حتتغير، وإن شاء الله للأحسن.. الفوتوسيشن دي ماكنتش حقدر أعملها غير بحبايبي اللي ماتأخروش عني، وأنا أكيد بشكركم من كل قلبي أنكم ساعدتوني في اللي أنا عايزة أعمله”.

شاهد أيضاً

فيديو ـ يحدث في الصين .. الإنجاب مقابل 15 ألف دولار

كتبت ـ أمل فرج دول تتسارع لإقناع سكانها بضرورة تنظيم النسل، بل وتحديد النسل، الأمر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *