ليل وخونة” 1″

22 مارس، 2021 مقالات واراء اضف تعليق

كل يوم تري احداث ومواقف وتسمع اقاويل متعددة وتشاهد برامج وتتأمل اعلاميين يفاجئوك بتحليلات لاحداث وتتابع السوشيال ميديا هذا العالم المجنون الانفصامي القائم علي دنيا افتراضيه ويفرغ عاهات النفس البشرية .. كل يوم جديد هو نفسه اليوم القديم ولكن ما طرأ عليه من تجديد هو التوحش الذاتي والتوغل في بيئات بريئة بهدف افسادها حتي يصبغ الثوب الابيض بالسواد ويتساوي الجميع في هذا المستنقع ..

المفاهيم الغير سوية تخلق وحوش .. والافكار المرضيه تصنع مفخخات .. والخلل النفسي يدفع ثمنه اجيال .. ومركبات النقص والتدني والافلاس الفكري والعقلي يجعل البشر جائعة فيندفعون بشكل جماعي لاشباع غرائزهم المتعدده مما يجعلهم يصطدمون ببعض من اجل اقتناص الفرائس .. بالطبع نحن لسنا في غابة ولكن الغابة تسكن بداخلنا .. يقال ان الليل ستار وفي الليل الطويل ووسط الظلام الدامس يستيقظ الاشرار وينام الابرار وربما تجد نواح وبكاء الحزاني والجرحي والمتألمين .. في الليل الطويل تخرج الضعفات البشرية وتكثر السقطات وتحاك المؤامرات بكل انواعها وتكتسح الاكاذيب والافعال الرديئه وتتنوع الخيانات ..

في الليل الطويل يختبئ الكثيرين في زي الحملان ويضيء الشيطان السواد بشموع زائفه حتي تتلاءلاء الافعال وتكون جاذبة للجوعي .. نحن نحيا في واقع مخيف تغلبه الانتهازية وتهزمة النواقص البشريه ولغته البقاء للقرود والحياه للبهلوانات .. ونحن نرقب هذا الواقع نتلمس حقائق شديدة الالم وهي بالسهل ان نرصدها من صفحات الفيس بوك الذي تحول الي سوق كبير من المعارك والمصالح ويكشف قبح البشر بل يفضح ممارسات مريضه ” نتكلم بالبلدي كده شوية عن شوية نقط ” في ناس او فئة او فصيل دول من هواة التصاوير يعني نشر صورهم في المناسبات عشان يشوفوا التعليقات او اللايكات خد عندك

اللي جايب بدله جديده واللي جايبه فستان جديد او اللي جايب عربيه او موتوسيكل او اللي مغيره لون شعرها او اللي حضرت فرح او مناسبه المهم الفصيل ده او الطوفان ده بيحب التصاوير ونشر الصور دي وده بيحقق مكاسب وهي

كيد العزال انا من يومي ” الغيظ ” او التنفيس او التخلص من الكبت او نكاية في اشخاص او استقطاب عريس ” زي سمير صبري اللي وقع علي بوظه في فيلم البحث عن فضيحه ” او عروسه تكون موزه او معاها فلوس المهم تداوير ” الدور الدور ياللي عليك الدور ” اغلب النوعيات دي قايمه علي النفسنه والاسفنه ومش جديده عليهم ان النهارده مع ناس وبكره ضد الناس وبعده مع نفس الناس والمتابع نفسه محتاس في البحث عن اجابه ايه اللي انا شايفه ده ايه اللي عارفة ده ” حكيم ” نخرج بقا من فصيل التصاوير الي نوع تاني خالص محب الشو في نوع بيدي نفسه حجم اكبر من حجمه بكتير ده بتجتمع فيه صفات المظهريه مع الانتهازيه مع شويه عميان اتنطط عليهم مع شويه ناس شاريهم او مخليهم تابعين نظام العدد في الليمون

دول بقا بيعملوا ايه اقولكم كده كل واحد بيشتغل في اي مهنه اعلامي صحفي طبيب مهندس محاسب مدرس اي حاجه في اي مجال لازم يدي نفسه برستيج مهني فيكتب علي صفحته شويه القاب تسد عين التخين مرعبه رئيس كذا عضو كذا باحث في كذا ومتعدش ورايا

وبعدين عشان ده مش كفايه لزوم المنظره يروح يتعرف علي فصيل تاني اللي عامل سبوبه علي قفا الفصيل ده شغل قفيان في بعض اللي يأسس جمعية او منظمة او نادي طبعا وهمي بس اللي مش عارف انه وهمي المؤسسين والتابعين بس ولكن الباقي لابس العمة وش وفي اللي يأسس اكاديميه يحط عليها الاسم اللي عاوزه الاكاديميه الانجليذيه والفرنسيه والهنديه والصينيه والسوق يشيل من الحبايب الف تقوم ايه الاكاديميه دي تنشر اعلانات مموله علي الفيس بوك تمنح درجه الدكتوراه الفخريه او الماجستير او لقب سفير او مستشار من الف الي 5000 جنيه الناس بقا اللي مشتاقه جدا واللي ملهاش دور في الدنيا تتدلدق وتجري وريقها يلعب علي لقب دكتور عشان يطبع في الكارت الشخصي ويتحط حرف ال دال قبل اسمه وكمان علي البروفايل

تشوف الاسماء والاشكال والعاهات دي ناس كتيره ساذجه تنخدع بسهوله من الاغراءات والصور والالقاب دي .. في ناس بتنصب علي ناس وتحتال علي ناس ويوصل الامر ان في ناس بتخدع الدوله نفسها ووزارء ممثلين للدوله لان محدش بيراقب ولا بيراجع وكله بالعلاقات شغال

طيب هو الامر كده بس لا طبعا في ناس بقا عاوزه تكون كل حاجه تدور علي الشو بشوكة او شمعه فتجري علي الميديا والاعلام فتلاقي ناس ميح ابيض يا ورد بقدرة قادر والله بقيوا شعراء وكتاب وليهم كتب وكمان بيستغلوا اسماء وزراء في الامر وسفراء حاجات بتفكرني بمرجان احمد مرجان في كتابه ابيع نفسي وهو الامر كده بس لا طبعا لسه

ناس بقا تروح تشتري هواء من قنوات واقعه رخيصه عشان ياخدوا لقب اعلامي او اعلاميه وتشوف البرامج اما يجيلك الضغط او السكر او ذبحه من الغباء والعته اللي بنشوفه وكلهم اما دبلومات او بدون مؤهل وكله في الكازوزه وفي ناس بقا تلطش كتب وموضوعات من النت او تأجر صحفيين نص كم يكتبوا لهم مقالات بفلوس عشان تتنشر في مواقع وصفحات رسميه شغل حلق حوش

هو الامر وصل لكده اه ولسه في الاكثر في ناس بقا فاشله وعارفهً انهم فشله بس دول بيعرفوا يتسللوا ويعملوا تربيطات كويسه حمايه كده دول يجروا يعملوا علاقات مع الامن من ظباط الي اخره ويجروا يتمحلسوا في نواب داخلين المجلس بالصدفه ويجروا يتعاملوا مع كليات الاعلام وجهات اعلاميه يستخبوا وراهم وعشان ياخدوا شكل شرعي ويعملوا صفقات يأسسوا مواقع ومنصات ويهبشوا شويتين كويسين ويدورا علي الناس الواقعه اللي تخدم عن شغلهم والناس اللي زيهم اللي بيدورا علي فرصه عشان يقبوا علي وش الدنيا ما كله من دقنه وافتلوا

ويقف حكيم في النص ويغني ايه اللي بيحصل دة الى انا شايفه دهاه الحلاوة دي ايه الطعامة ديندخل بقا علي التربيطه والتسبيكة والشله وده الجزء الثاني من ليل وخونة انتظروني