الجمعة , مارس 29 2024
الأهلى والزمالك
الأهلى والزمالك

كيف انهزم الزمالك

محمد السيد طبق

أنت عارف يعني أيه مكابرة… يعني تماما اللي عمله كرتيرون…. حارس مرمى واضح جدا انه مهتز من الهدف الأول اللي جابه في نفسه.. اسيبه لحد ما يدخل فيه خمسه… باك رايت تقريبا كل الأهداف جت من جبهته واتسبب في ضربتين جزاء مسخره.. وبعد الكوارث دي كلها اطلعه والعب زيزو فالزمالك يقف على حيلة… اسيب فتوح اللي معملش هجمه ولا هيعمل واقعد عبد الشافي وعبد الله جمعه اللي جزمهم برقبة عشره من عينة ابو الفتوح

اسيب إمام رقم 8 وكلكم شفتم مستواه ايه وازاي هو مينفعش يبقى مكان ساسي وأن الزمالك عنده جلطه مخية في نص الملعب بسببه وأن الراجل دا هاف ومبيعرفش ولا هيعرف يلعب تمانيه…

ثانيا مصطفى فتحي.. بديل ليه ومين احسن منه في الزمالك علشان يقعدله احتياطي ومين يسد مكان شيكا غيره ومين عنده حلول غيره ومين مؤثر غيره إنما هي أرزاق وناس مخخها بطيخ…

ثالثا الزمالك معندوش مهاجم خالص وكلهم كومبارس وان بعد مصطفى محمد كل مهاجمين الزمالك مهاجمين مينص وان وعلى ماتفرج… الزمالك جاب 3 أهداف في الشوط التاني علشان ربنا محبش الناس تموت مقهورة وعلشان جمهور الزمالك ميستحقش دا… واخيرا أنا معدتش هتكلم على محمود علاء اسيست ابدا وخالص ولا هتكلم عن دي ماريا الشهير بفتوح لو لعب تاني ولا عن أوباما لو لعب عشره ولا عن إمام لو لعب 8 لأني وبصراحة معدتش ناقص قرف ولا مجادله على الفاضي

شاهد أيضاً

منتخب كوستاريكا والمنتخب الكندي يتأهلان إلى كوبا أميركا 2024

صعد منتخبا كوستاريكا وكندا رسميا إلى بطولة كوبا أميركا 2024 عقب اجتيازهما الدور الحاسم من …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.