الأربعاء , يناير 5 2022
عامل نظافة

عامل نظافة أعطى للحياة إضافة.

أيوه زبال و تايه بين الورق

بلم في شوية كركبة
والإحترام مني اتسرق
بلم شوية كوم وبصلح اي دربكة

طول اليوم ضهرى محنى
وتعبان من كتر الشيل
ومحدش بيشيل معايا همى
هفضل ثابت حتي لو اتهد الحيل

طول عمرى مش لاقى العيش
وأنت بترميه على الأرض
واكلى على الزبالة بعيش
وانت عايشها بالطول والعرض

لو جه شويه تراب على حضرتك
تقول مش تفتح وتشتم
معلش اصله وسخ بشرتك
اه اصل اللى زيك مش بيفهم

وكانى حمار وعايش فى زريبه
البشر هما اللى مبهدلينها
ولو شوفت نفسك فى الحقيقه
من غيرى هتقرف وهتهرب منها

مش عايز ابقى قاضى
انا طالب انى أكون إنسان
محكمش من منظر قصادى
ولا اجى على الغلبان

ليه أعيش على الارض ذليل
واذاى أعيش وانا متهان
ده أنا اصلا للرحمة دليل
مع أنى زيك إنسان

بحب بلدي يا ناس
مش مستني مديح من حد
و مش هيأس و اقول خلاص
ولو كل العالم فيا تهد

مهما الناس قالت
مش ههتم براى حد
بالنسبه ليا لسان وفالت
و هقوم بعملي بكل جد
عمر أسمى مكان زبال

عامل نظافة

شاهد أيضاً

مبادرة انصتوا لجيل الوطن

بقلم سوزان احمد على حلم اسعى لتحقيقه ……مستقبل مشرق لجيلنا جيل المستقبل اصبو لتطبيقه مطلوب فيه الإنصات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *