الأربعاء , يناير 5 2022
شحات عثمان
شحات خلف الله

صعيدي من وجه قبلى..

بقلم . شحات خلف الله

لما شافت الناس فعلي…

قالوا ده راجل من وجه قبلي….

راجل يعرف يداوي الجرح بدري….

ومهما يقسي حنون ويوفي وعدى…

صافي وصفاته زي الندى الشتوي …

وقت الجد راجل مغوار يعرف يصون عرضى….

ومهما طال الهم صابر صبور والصبر ناموس عهدى….

بدلتي من يومها بتخبي تحتها جلابية جدى…

وهورثها كمان لحفيد شريف ومحمد أبني ….

ما هى مش عيب ولا حرام

بس ثمنها أخلاق ورثتها في مهدي….

ومهما طال الزيف وانتشر الغواني…

هأفضل صعيدي صريح المعاني..

كلمتنا نور و نار وطعمها في جوف الخسيس مرار …

بس بيها ممكن تتعمر أوطان ويكون للناس قيمة ومكان ….

أوعي أفعالك تخليك مع الواطي فى يوم جبان ..

ورأسك ما تنحني لبشر في يوم فان

حريتك عبودية الرحمن مش انا ولد فلان وابوي كان ….

عصبيتك سلاح دمار لو كانت مع الباطل كفة في ميزان ….

صعيدي من وجه قبلي
وشوفوا يا ناس في الكون فعلى

شاهد أيضاً

مبادرة انصتوا لجيل الوطن

بقلم سوزان احمد على حلم اسعى لتحقيقه ……مستقبل مشرق لجيلنا جيل المستقبل اصبو لتطبيقه مطلوب فيه الإنصات …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *