جريدة الأهرام الجديد الكندية 
مقالات مشابهة
نازك شوقى
عاشت آية الشهيرة باسم «مشردة الغردقة» حياتها بين التشرد والمرض، إذ اعتادت على العيش في شوارع الغردقة وحيدة بسبب تخلي أهلها عنها نتيجة لزواجها العرفي، لتعاني من اضطرابات نفسية حادة بالإضافة إلى إصابتها بالشلل الرعاش، لتستضيفها دار رعاية ثم تنتقل منها إلى مصحة وتتوفى هناك، لتثير الحزن في قلوب الجميع.
انتقادات وهجوم عنيف وجهه رواد مواقع التواصل والجميع إلى أسرة «آية»، واتهموهم بالتخلي عنها ورفضها حية وميتة، لترد أسرتها على تلك الاتهامات وتوضح حقيقة ما حدث بينهم وبين «آية» والسبب الحقيقي لتخليهم عنها.
ورد أحد أفراد أسرة آية عن الاتهامات السابقة: «احنا منعرفش أصلا أنها اتوفت غير بعد الوفاة بشهرين، ووعرفنا عن طريق السوشيال ميديا ومحدش بلغنا بحاجة ومنعرفش ادفنت فين، واحنا مش جلادين زي ما بيشاع والناس بتردد أننا اتخلينا عنها، محدش يعرف اللي حصل أصلا علشان الناس تتهمنا وتهاجمنا بالشكل ده».
آية سابت البيت لما كان عندها 16 أو 17 سنة، وسافرت الغردقة وخلال الفترة دي مكناش نعرف عنها أي حاجة نهائي، ولما تعبت بدأت تتواصل معانا، هي للأسف إنسانة أخطأت واختارت الطريق الغلط وربنا يسامحها، إحنا مقصرناش معاها نهائي بالعكس كنا بنراعيها وبنهتم بيها، وإحنا أسرة ميسورة الحال جدًا، مش هنرمي بنتنا في الشارع، هي اللي اختارت أنها تسيبنا».
وعن كون آية مليونيرة وتمتلك شقة فاخرة وأنها جمعت الملايين من التسول، نفت الأسرة تماما كل ذلك: «ده مش حقيقي واللي عنده إثبات مادي يظهره علشان نقدر نصدقكم، متاخدوش بكلام الناس، الحسابات البنكية المفتوحة دي من الأسرة ليها ومن زمان قبل ما تسيب البيت، وهي مجمعتش الأموال من التسول ومحدش ياخد بالكلام، واللي عنده دليل يطلعه».
«إحنا سامحناها مرة وألف، ولكنها اختارت أنها تبعد عننا، وتزوجت عرفي وبدأت في تعاطي المخدرات وده أثر على مخها، واللي عملته خلى الأسرة تتبرأ منها ومن أفعالها، وياريت محدش يحكم علينا، حطوا نفسكم مكانا، هي أخطأت في حقنا وفي حق نفسها، ومكناش نعرف أي حاجة عنها خلال فترة وجودها في الشارع ومتكلمتش معانا إلا لما تعبت، وياريت الناس تدعيلها بالرحمة ومتحكمش علينا من غير ما تسمع».
