الأحد , أغسطس 14 2022
صورة تعبيرية لعدد من الكهنة

رسالة إلى الكهنة والشمامسة لا تفسدوا صلاة الشعب الصائم بهذا الأمر

وجه الناشط المعروف رامى كامل رسالة إلى الكهنة والشمامسة لوقف ما يقومون به من افساد لصلاة الشعب حيث قال

لو مش قادر تعمل قداس خد اجازة احسن بكتير ما تنزل تأخذ القداس من أوله لأخره بتجرى بسرعة ” زى الصاروخ “فى القراءة والشعب واقف يتفرج و مش لاحق يقرأ حرف أو يصلى كلمة وراك.

أنت بتفسد صلاة لناس صايمة و جاية تصلى و تستمتع بكلمة الله و تعيش معانى الكلمات مش مجرد تتفرج “اليوتيوب مليان”.

هل لو انا مشغل القداس على اليوتيوب ينفع ادخل الكنيسة اتناول بعد قراءة الانجيل على اليوتيوب ولا لازم أسمع الانجيل فى الكنيسة ؟ طب فايدته أيه الانجيل و الاواشى و المردات لو حضرتك بتلحم الحرف فى اللى بعده والكلمة نصها لازق فى اللى بعده اللى بيصلى معاك استفاد ايه “بنردد الكلام باطل” ولا “حمار يحمل اسفار” وازاى اصلا هصلى على هذا الرسم و اتناول وأنا مش عارف الانجيل اللى اتقال أيه ولا اخدت حاجة من القداس.

يا أبى الكاهن يا أخى الشماس لو وراك حاجة و مستعجل متلبسش و محدش هيشاور عليك و يقول اللى ملبسش اهو لكن الناس هتشكر ربنا على وجودك لما تستمتع بكلمة ربنا و تركز فى اللى بتقوله ويتغلغل جواها لكن البذور اللى أنت عمال ترميها على وش التربة دى خلاص ضاعت محدش استفاد منها.

فرق الوقت ما بين صلاة هادئة دقيقة وصلاة الكروتة نص ساعة بس الفرق ده هيفرق اوى مع الناس .

الحقيقة أنا بقيت بتفرج على القداس مش بحضر القداس.

اتمنى رسالتى توصل لكل كاهن و شماس.

رامى كامل

شاهد أيضاً

كريمة أحمد تميرك : تتحدث عن عرض البلاك فراى داى البالغ نصف مليون جنية.. ومعاش شهرى 2250 جنية لكل مواطن

تحدثت خبيرة التأمين كريمة أحمد تميرك المراقب التأمينى بشركة مصر لتأمينات الحياة  فرع الأقصر عن عرض ال  550 ألف …

تعليق واحد

  1. أرثوذكسي صميم

    أنا حضرت قداسين السنة اللي عدت في فترة الخمسين النقظسة 2021 للأسقف مكسيموس كان كأنه بيطلع في الروح وخلص القداس في أقل من ساعة ونصف الصراحة من بعدها كل ما باعرف انه ها يصلي قداس بامتنع تماما عن الخضةر عشان باحس انها تقضية واجب أو تحصيل حاصل زي تأدية طقوس والسلام وغالبا بقت كل الصلوات الأيام دي بالشكل ده!!

اترك رداً على أرثوذكسي صميم إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *