السبت , يوليو 2 2022
أخبار عاجلة
رامى كامل

كلمتين عن الهوية المصرية

الهوية لها بعض التفاصيل البسيطة اللى المفروض الدولة بتعتمدها عشان تقول للناس ان دى هويتكم الاصلية.

زى الطائر الرسمى ، الحيوان الرسمى ، الحجر الرسمى ، المعدن الرسمى ، وهكذا من التفاصيل اللى بتقول ان الحاجات دى عندنا ومش عند غيرنا وان الحاجات دى بتحدد الإطار العام للدولة فبتظهر على الاختام الرسمية

وفى الاوراق و العملات الرسمية.

مثلا حضرتك بتختم الختم الرسمى “النسر” رغم ان النسر مش طائر مصرى اصلا و أقرب طائر له مصرى هو “الرخمة” و ان الصقر اقرب لكن النسر بيظهر فى كل تعاملات الدولة رغم أنه طائر بياكل الجيف ، وطائر غير شريف وملك السماء الحقيقى هو الصقر.

مثلا عندك الغزال المصرى المعرض للانقراض ولا بيظهر على اى شعار رغم شهرته العالمية.

عندك حجر الزبرجد وهو حجر مصرى خالص وعندنا جزيرة مصرية فى خليج الفول اسمها جزيرة الزبرجد بيخرج منها الزبرجد المصرى من اروع الانواع فى العالم.

وهكذا يا صديقى نتكلم كتير اوى عن الهوية و ابسط تفاصيلها لا نعرفها و لا بنشتغل عليها و شوف شعارات الدول حول العالم وأنت تفهم .

شاهد أيضاً

سلسلة مقالات “حياة أفضل تُعاش”

القس أرنست نادي أهداف مُحيية(4) مواصفات الهدف الذكي في الحلقات السابقة من سلسة مقالات “أهداف …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *