الجمعة , مارس 29 2024
الكنيسة القبطية
الأنبا رافائيل أثناء الدكتورة

رامى كامل يكتب عن حكاية دكتوراة

١- كانت الحجة ان الاقباط معندهمش جامعات ولا كليات و لا ناس واخدة دكتوراة فى حاجة والكنائس التانية عندها ده كله.اتعمل جامعات و كليات و ناس بتاخد دكتوراه قالك لا بس دى جامعات مش معتمدة مع العلم ان اكتر من ٦٠% من الجامعات اللاهوتية التابعة للكنائس فى العالم مش معترف بها بس هو كده انت لازم تروح تعملهالى من جامعة معترف بيها وعلى مزاجى و تبقى دكتوراه من ابو سمسم و زودلى فيها الاسبينوزا و قرمشلى اليسوعى مع سلايز التنوير اللذيذ.

٢- شوفت بقى انت معندكمش حد بيقدم دكتوراه فيها مراجع ولا عندكم بحث لاهوتى متطور.ادى رسائل ماجستير و دكتوراه تابعة لجامعات قبطية بين اوروبا و امريكا و استراليا و كتير اوى منها ناقشه اساتذة معتمدين ، لا بس الاسقف ده جايب ناس بتزغرط ، ايوة ايه علاقة مظاهر الاحتفال و حب الراجل بموضوع الرسالة ثم الامر واضح انه شخصى ولا الأساقفة الاقباط طلعوا عملوا الرسائل بتاعتهم فى هارفارد هيتم انتقادهم برضه و الامر هنا محتاج طبيب نفسى اكتر ما محتاج نقاش جاد .

٣- انتوا معندكمش لاهوت متطور و الافكار اللاهوتية فى العالم تطورت.

مبدائيا كده الفرق بين اللاهوت و الفلسفة كبير و اللاهوت ثابت الفلسفة هى اللى متطورة و حضرتك لما تتكلم عن فلسفة اللاهوت لازم ترجع للاقباط و كون الغرب طور فلسفته طبقا لمقتضيات تجربته ده مش معناه ان الافكار دى بالضرورة سليمة و بالضرورة تنفعك و ده بالظبط زى تطبيق الماركسية فى روسيا غير الصين غير امريكا اللاتينية و كذلك ليبرالية امريكا غير اوروبا غير اليابان.انت بس مبهور و محتاج عمق اكبر للقراءة عشان تبدأ تفهم اننا مش هنعرف نعمل قص ولزق لان البيئة مختلفة.

٤- العالم طور نفسه وانتوا كنيسة جامدة و رافضين تتطوروا الحقيقة ان اللى ناقش انبا روفائيل ناس انتوا بتدعموهم كتنويريين بس قضيتكم مع الاشخاص و ده بيتطلب تطوير افكاركم انتوا لنقاش ما يطرح ثم الكنيسة القبطية مش جامدة و فيها حوار و نقاش و تطوير لما يمكن التطوير فيه و حرفيا النهاردة كل الامور مطروحة للنقاش و محدش اخد حرمان بسبب النقاش زى ما حصل فى المجمع الفاتيكانى الثانى مثلا و محصلش انفلات فى الفهم العقيدى زى كنائس و مجامع تانية اتأثرت مباشرة بلعبة المصالح و الزعامات و السياسة.الكنيسة النهاردة بتناقش و فيها تيارات كلها مقبولة وده لو تلاحظوا مختلف عن انقسامات كتير فى طوائف تانية.

اخيرا … الاخوة التنويريين انتوا كرهتوا الناس فى التنوير لان بداية التنوير نقاش يقبل الافكار و يتجنب الشخصنة … اعقلوا يرحمكم الله.

شاهد أيضاً

يتساءل الجهلاء : أليس المحجبات مثل الراهبات؟

إسماعيل حسني الراهبة إنسانة ميتة، صلوا عليها صلاة الميت يوم رهبنتها رمزاً لمغادرتها العالم المادي، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.