الجمعة , سبتمبر 17 2021
صوره ارشيفيه

النشطاء ينشرون شروط الزواج فى مصر ويسخرون منها .

صوره ارشيفيه
صوره ارشيفيه

الأهرام الجديد الكندى
نشر عدد من النشطاء شروط الزواج فى مصر من اجل السخرية منها والمطالبة بالغائها من أجل تسهيل الزواج وهى كالاتى .
1- النيش اللي مالوش لازمه
2- اوضة الاطفال الى لسه ماجوش اصلا
3- الشبكة الى هتترمى فى درج التسريحة لحد ماتروحى فرح وتلبس حاجة منها
4 – الصينى ياسعاد وكل ماتكترى فى عدد القطع يبقى احسن مع انك هترميه فى النيش لحد مابنتك تبقى على وش جواز وتعزمو العريس فتقومى تطلعيه من الانقاض
5- طقم الخشاف .. اوعى تنسي طقم الخشاف .. خشاف ايه ياعم وبعدين يعنى هو لو اتعمل فى اطباق تانية هيقول لا مثلا .. الجوازة مش هتتم من غير طقم الخشاف بقة ياحسنين يااخويا
6- 60 طقم كاسات .. هى العروسة ايه غير شوية كاسات فوق بعض
7- مفرش السرير وكل مايكون بيشوك اكتر كل مايبقى احسن .. يعنى انا هنام عليه .. لا .. طب هتغطى به .. بردو لا .. امال ليه .. علشان الناس لما تيجى تتفرج .. عايزة الناس تيجى تتفرج ماتلاقيش مفرش السرير هتفضحينا ياحسنية
8- البراقع .. وياسلام كل ماتبقى بقة مشجرة والانترية كمان مشجر ولا مخطط تبقى تحفة
9- النجف ابو 12 لمبة .. ياعم ترشيد الاستهلاك انا هنور كل ده ليه اصلا
والناس تقول علينا ايه لازم النجف هتفضحينا
10- الفوط .. لازم 53 فوطة وهعدهم فوطة فوطة
11- ماتنسيش تفتحي الدولاب للي هيجوا يباركوا عشان يتفرجوا جايبه ايه
12- ماتنسيش ترصي مكياجاتك وبرفناتك وكل حاجه جبتهالك علي السراحه عشان الناس تتفرج برضه
13- اطقم الحلل الالومنيوم والتيفال والاستانلس والسيراميك والبطريق وكل الحلل اللي في الدنيا … علي اساس ان العروسه شيف وكل يوم هتعمل مائده رحمن

شاهد أيضاً

التفاصيل الحقيقية لواقعة الفتاة “سجدة” بعد ادعائها لترك زوجة أبيها لها في الشارع

تداول رواد مواقع التواصل الاجتماعى فيسبوك ” ، مجموعة صور لفتاة جالسة على أحد الأرصفة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *