الأحد , نوفمبر 28 2021

بالفيديو: قصيدة ماسبيرو إهداء لشهدائها …

ماسبيروا

 

كلمات ناهد فاروق اداء مينا الجمال

دمـعـتـى….. ســابـقـة كـلـمـتـى
وقـلـبـى اتـــوجـع مـن حـرقـتـى
أبـــكـى عـلـى حــبـايــبـى
اللى كانو مـنـورين عليا دنـيـتـى !!!
ولا أسكت لغاية ما أموت انا بحصرتى؟
كنا خـارجـيـن..وبكل محبة مـتـجـمـعـيـن
بنرنم وبنهتف بمنتهى السلمية زى ماحنا متعودين
ماكناش فاكرين ان التعالب علينا مـتـفـقـيـن
انهم يـقـضـو علينا بشوية وحـوش مفترسين
فجأة وبمنتهى المكر طلعو بالدبابات علينا
مشيو على جـسـمـنـا.. وكـسـرو رجـلـينا
فـرمـونـا.. وقطعونا ..وفرغو رصـاصـهـم فينا
ازاى بس يا بشر هان عليكم تعملو كدة فينا؟؟
داحـنـا خـارجـيـن بـمـنـهـتـى الـسـلـمـيـة؟
ولا فى ايدينا مطاوى..ولا فجيوبنا اسلحة متداريه
انا مـصـرى زيـك .. وانت مـن نـفـس الـجـنـسـيـة
ازاى تـقـتــلـنـى؟ وبـدبـابـتـك تـفـرمــنـــى
بـكـل قـســـوة وبـمـنـتـهــى الــوحـشـيـة؟
بـتـشـتـمـنـى وبـتـقـول:انــا كـافـر لــيــه؟
هو دة التسامح اللى يوم الثورة اتفقنا عليه؟
طيب لما ابن بلدى يشتمنى..الغريب هيعمل فيا ايه؟
شيل مسدسك فى جيبك.. وامسح دم اخويا اللى عليه؟
وسد ودانك علشان ماتـسـمـعـش صـراخ الأمـهـات
وغـمـض عـيـنـك عـلـشـان مـاتـشــــوفـــش
دمـوع فـيـفـيـان على خـطـيـبـهـا اللى مـات
ومينا اللى انت قتلته دة كان بينادى بحقى وحقك
فـى كــــــل الـمـســيــرات والـــثـــورات
ارواح الابرياء دول كلهم صعدت لملكوت السموات
وخلاص ارتاحو من اتعابهم ومن كل الاضطهادات والعذابات
أصــوات صــــراخـنـا ربـــنــــا ســـمــعــهــا
وكل دمعة من دمـوعـنـا..بـأيـده هـيـمـسحها
وكل ايد اتمدت بـالـظـلـم علينا هـيـقـطـعـهـا
وكنيستنا هتفضل صـامـدة ومـرفـوعـة رايتها
بدمانا هندهن جدرانها..وبالصلبان هنور منارتها
إفــرحـى يـا كـنـيــسـتـى بـشـهـدائـك
دمــهــم الــغــالـى دشـــن أعــتــابــك
والنهاردة شهداء ماسبيرو..انضمو لباقى احبابك
وغيرهم لسة كتير يااااما واقفين على بـابـك
ومـسـتـعـديــن يــضـحــو بـأرواحــهـم عـلـشانك
من كلمات:شاعرة الشهداء

 

 

 

شاهد أيضاً

أونتاريو : الإصابات تقترب من الألف إصابة فى تقرير اليوم 28 نوفمبر

نشرت وزيرة الصحة بأونتاريو كريستين اليوت على صفحتها الشخصية بتويتر تقريرها اليومى عن كورونا ليوم 28 نوفمبر وأكدت فيه …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *