الخميس , سبتمبر 16 2021

“مشفتش أبنى” تبكى المصريين حزنا على شهداء الوطن .

أبنى

الأهرام الجديد الكندى
مشفتش ابني؟؟
كان لابس زيك تمام
طقيه بنسرها علي راسه
والبياده والحزام
وفي ايده ماسك سلاحه
وفي الطبور علي طول قدام
واد سماره وهبته راجل
والقلب لساه يدوبك غلام
ولاعمره يوم عن امه اتأخر
ولا عمره يوم عن وجبه نام
كان لسه مخلص عزاله
كان لسه مخلص علام
لو حد شافه يقوله ابوه جاله
والشقه خلصت دهان
وخطبتك بتسلم عليك
والعيله بعتالك سلام
ابنك يا والدي عند ربه
شهيد يشفع للانام
يمسك ايديك يوم القيامه
يحميك يوم الزحام
ويخدك لباب الجنه
ويرفعك اعلا مقام
ابنك مامتش يا ابويا
ابنك حي عند ربه ف الجنان
ااااه يا ولادي
خدك الموت مني
وانت ف عز الشباب
خدك وسبني وساب
شعري اللي شاب
خدك ورماني ف وسط العذاب
طب اقول ل امه ايه
لما تسئلني عن ضناها اللي غاب
والله
لصرخ صرخه تصحي كل الجيش
يارئيس يا مشير يا فريق ياشويش
ابني كان بينه وبين عروسه مفيش
ابني راح عندكو ومجاليش
دانا ف الدنيا دي غيره مليش
ابني مات علشان وطن يعيش……
رحم الله شهداء الواجب؟؟؟؟؟؟؟؟؟؟

 

شاهد أيضاً

قلق داخل مقاطعة أونتاريو بسبب ارتفاع إصابات كورونا اليوم 16 سبتمبر

نشرت وزيرة الصحة بأونتاريو تقريرها اليومي عن كورونا اليوم 16 سبتمبر حيث كتبت كريستين اليوت وزيرة الصحة بأونتاريو …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *