الثلاثاء , يونيو 9 2020
مدحت عويضة

فاكسات مهاجر  يرسلها: مدحت عويضة.

السيسي
كل ما تزور بلد غربي وأفتكر مرسي في زيارته أشعر بالرضا أني أخترتك رئيسا يشرف كل المصريين

أوباما
ولا يهمك من استقالة وزير الدفاع الأمريكي أبو بكر البغدادي جاهز وفي الخدمة!!!.

الأنبا بيشوي
سيب أبونا مكاري يونان في حالة أحنا بنحبه كدة بنعشقه كدة بنموت فيه كدة لو ونيافتك تتكرم علينا … نكون عاجزين عن الشكر.

محمود شعبان
فضلت تقول هاتولي راجل طيب أنت دخلت السجن وهتلاقي رجالة كتير هناك يملوا عينك.

عنتيل الغربية
هي الغربية بقت بتورد عناتيل والوجه القبلي راحت عليه.. القوالب نامت والأنصاص قامت.

سيلفا كير
بعد الإفصاح عن سر أنك رفضت دعوة “مرسي” لزيارة مصر قولت والله أنك معلم خليفة جون جارانج المعلم.

الإخوان
نازلين يوم 28 نوفمبر بثورة!!! أغبي جماعة في العالم بتحفروا قبوركم بأيديكم.

السلفيين
أحلي حاجة فيكم أنكم موجودين في كل الثورات إللي ضد الإخوان وإللي مع الإخوان وعلي كل لون يا سلفي.

هيومان واتش
بدل ما شاغلين نفسكم بتغطية مظاهرات 28 نوفمبر غطوا مظاهرات فيرجسون فى ضواحى سانت لويس؛ ولا حقوق الإنسان حلال للمصريين حرام علي الأمريكان؟.

القذافي
قالوا عليك مجنون ديكتاتور أهبل قالوا كتير لكن بعدك لا لقوا أهبل ولا مجنون ولا ديكتاتور يقدر يحكم ليبيا بعدك.

عمر البشير
السيسي من شمالك وكير من جنوبك والبحر المالح شرق منك روح أرمي روحك فيه.

صباح
الله يرحمك يا صباح كان نفسي البس التيشرت رقم 15 لكن مافيش نصيب.

شوقي غريب
زمان كنا نحلم بالوصول لكأس العالم علي أيدك وصل بينا الحال أننا بقينا نحلم بالوصول لكأس أفريقيا.

شاهد أيضاً

البعد عن الناس غنيمة

د./ صفوت روبيل بسطا قالتها زمان ستي فهيمة .. البعد عن الناس ده غنيمة ومن …