الأحد , يونيو 7 2020

يوميات مغترب .. بقلم محمد عربي

 الكاتب ..محمد عربي عابدين
الكاتب ..محمد عربي عابدين

يومية 1
تمر لحظات و مناسبات .
تمر قدامك زي القطر السريع وانت منتظر علي المحطة . لكن للأسف القطر سريع ودي مش محطته . ولا زلت في الانتظار
يومية 2
قمة الدايت .
لما تكون عايز تعمل دايت . وتعدي علي مطعم مصري .وتشم الريحة . رجلك تاخدك ليه . وتضرب طبق مشكل ( لحم وكفته وطرب وكبدة ) ومعاه شوربة وسلطة مصري . وطبق كرنب محشي .
تفتكر بلدك وتفتكر والدتك . وتفتكر اكل البيت . وتقول يا رب متي الرجوع …..
هو ده قمة الدايت
يومية 3
مفرق الاحباب وهادم اللذات :ـ
لما تكون وسط اولادك الابن الكبير يحكي عن الكورة وعن الفيس والبنت تقرأ لك القرآن وابنك الوسط يحكي عن المدرسة والزرع والصغير فرحان بالحضانة واللعب ؛ وكلهم جنبك بتتكلم وتلعب معاهم ، وانت في قمة الفرحة ، وفجأة تلقاهم اختفوا من قدامك بمجرد سماع المنبه يشير للساعة السابعة ، نظرت له ، وحاولت ارجعهم تاني في غفوة حتي ل خمس دقائق ولكن هيهات ،
ورن تاني
فاستيقظت مجبرا لا مخيرا ، لنبدأ يوم غربة جديد
اذن المنبه هو (مفرق الاحباب وهادم اللذات
يومية 4
مرار في مرار
بعد ماتش مصر والسنغال
ان سألوك علي الكرة في مصر
قول لقد رحل جيل ابوتريكة .
محتاجين نحلي مرار الغربة
يومية 5
الوطنية ليست سلعة تباع وتشتري
بحبك يا مصر
يومية 6
قاله كلام الكفيل لازم يسير يا حسانين
قاله . ليه يا بوي
قاله : علشان ده الكفيل يا ولدي

يومية 7
الوطنية ليست هبة
تمنحها لمن تشاء
وتسحبها ممن تشاء
يومية 8
اجمل ما فيكي واللي مصبرني عليكي ))
الغربة مهما طالت فانها محطة ، ولا بد من العودة ، ولا بد من وطن
يومية 9
دخلت حديقة مملوءة بالازهار والورود الجميلة . فقطفت اجمل وردة . واروع زهرة … اخذت رحيقهما . ملأت بهما قلمي . لأكتبت اجمل كلمات عندي .. وأهديها لأغلي انسانة بقلبي
يومية 10
الرحمة يا ناس
اكرام الميت المغترب دفنه
يومية 11
كلما ابتعدت … كلما ازداد الشوق
يومية 12
الراجل مش بس بكلمته ..
الراجل بتحمله لغربته
يومية 13
الغربة ما هي الا رواية طويلة . تكون انت بطلها
يومية 14
يوميات مغترب ما هي الا كلمات خفيفة من وحي خيالي بأكتب ما اشعر به. وعن حال كل مغترب بلسان حالي . اما بطريقة كوميدية او تراتيجية او مهلبية او ملوخية او اي طريقة كانت ..
ولكن في النهاية هذه اليوميات ما هي الا اجتهاد شخصي مني
يومية 15
في الغربة
القافلة تسير … ونحن نسير معها

شاهد أيضاً

جيهان ثابت

هل يمكنني أخذ بلازما متعافي من كورونا لتجنب الإصابة ؟

مصل كورونا هو أجسام مضادة لمريض كورونا فيروس يتم استخلاصه من دم الإنسان الذي اصيب …