الأحد , يونيو 7 2020
نوران محمد

المفتاح الدهب لعام 2015

نوران  محمد
نوران محمد

بقلم .. نوران محمد
لكل واحد شايل هم 2015 و بيقول يارب ماتطلعش زي اللي فات، يارب هونها احنا تعبنا اوي من 2014 و كانت بجد صعبه ، فيها الضحكه راحت و الصحه كمان راحت و زاد الحزن فيها كوم .. طب عارف انه بأيدك تخليها احلى!
ايوة عارفه انك هتسألني ازاي …
هقولك انا ازاي… السنه دي يعني بوابه .. بوابه لحياه جديده لعالم جديد وانت معاك مفتاحين مفتاح دهب و مفتاح من الهم صدى و لونه راح .. لو فتحت البوابه بالمفتاح الصح هتشوف اللي جواه بعين راضيه
اقولك برضو يعني ايه ..
يعني ببساطه لما تبدأ حياتك الجديده بمعصيه و بحاجات مكروه منك تعملها .. متلومش على اللي جاي ليه وحش.. ليه معاندك .. ليه جاي عليك .. ليه ربنا مش راضي .. ليه الضحكه غايبه .. ليه الناس مش جنبك .. ليه واقف لوحدك
انت بأيدك تعيش بنظره حلوة او بنظره شؤم
من الاخر انت صاحب المفتاح …صاحب الخيار .. صاحب الدهب و صاحب الصدا .. افتح حياتك بالخير .. ابدأها بالصح ..ابدأها بالضحكه ..احسن لغيرك .. متستناش شكراً .. اعمل بالخير اللي جواك للناس.. افرح و فرح قلوب ناس غابت عنها الفرحه سنين.. و اعمل حسنه تشهدلك عند ربنا فيوم انك عملت الصح لما كان معاك مفاتيح اخترت الدهب منهم ..
متبدأهاش غلط و انت عارف فين الصح …
اعمل الصح بتضحك ناس كتير .. بس لو فكرت فيها هتلاقيها معبره جدا .. لو بقت دي مبدأ حياتك و بيها بتفكر و بيها تبدأ يومك هتكون انسان بجد مختلف .. ابدأ بيها 2015 و هتلاقيها فعلا بقت احلى ..

اللهم اجعلها سنه دهب خير سعاده احسن من اللي فات

سنة جديدة كل سنه وانتوا طيبين
المفتاح الدهب

 

شاهد أيضاً

جيهان ثابت

هل يمكنني أخذ بلازما متعافي من كورونا لتجنب الإصابة ؟

مصل كورونا هو أجسام مضادة لمريض كورونا فيروس يتم استخلاصه من دم الإنسان الذي اصيب …