الجمعة , أبريل 19 2024
مدحت عويضة

فاكسات مهاجر يرسلها: مدحت عويضة

9 يناير، 2015 مقالات واراء اضف تعليق

السيسي
عايز تعمل ثورة دينية هاتلي أنا “فرجية” وشوفلك أنت سبحة وشبشب وجلباية… بس خلي بالك لازم تكون بيضا لا تكوش علي الكل.

البابا
صدقني يا سيدنا السياسة وجع دماغ، فريح دماغ قداستك وكل سنة وقداستك طيب.

أوباما
فاضل رأس سنة تختفل بيها معانا ويمر أسود عصر لأمريكا في كل تاريخها

ملك المغرب

يا راجل تشرب شاي مع أرودغان الإعلام المغربي يقول مصر حصل فيها إنقلاب.. أمال لو عشاء كنت هتهبب إيه.. يخيبك ملك عويل.

الإعلام المغربي
احترموا نفسكم ولا عايزين إللي حصل في موزة يحصل لوالدة ملك المغرب.

محمود شعبان
فضلت تقول هاتولي راجل فبعتوك السجن… طالع تعيط ليه هتقولنا إيه حصل ولا مكسوف ولا أقول أنا.

مرتضي منصور
بص مش عايزين حرق دم تشيل مدرب تجيب مدرب ورينا شطارتك وحافظ علي المركز الثاني.

محمود الخطيب
الفرق بينك وبين أبوتريكة زي الفرق بين زمانكم ” الزمن الجميل” وزمانا إللي ما يعلم بيه غير ربنا.

وائل الإبراشي
أنت مذيع خطير كل إللي يعمل حوار معاك يطلع علي أبو زعبل حتي اسأل محمود شعبان.

الشيخ الطيب
بقي يا فضيلة الشيخ داعش مش “كفرة” وفاطمة ناعوت تتحول للمحكمة بتهمة إزدراء الإسلام أما انت راجل طيب بصحيح.

حمدين صباحي
حزين أن التيار الشعبي قرر عدم خوض الإنتخابات البرلمانية.. ليه كدة كان فيه أمل أصواتكم تزيد عن الأصوات الباطلة يا راجل.

سليم سحاب
روح ربنا يكرمك وأنا بشوف كورال مكون من أطفال الشوارع قلت “سحاب” أعاد أنتاج فيلم مولد يا دنيا بس المرة دي واقع فعلي

مطار القاهرة
للمرة التانية طيارة تصطدم باتوبيس في المطار فطحتونا… قولوا للأسطوات إللي بيسوقوا طياراتكم يغيروا الصنف.

 

الوسوم

شاهد أيضاً

ع أمل

دكتورة ماريان جرجس ينتهي شهر رمضان الكريم وتنتهي معه مارثون الدراما العربية ، وفى ظل …

© Copyright 2024, All Rights Reserved