جريدة الأهرام الجديد الكندية 
مقالات مشابهة
بقلم .. ناجي أنس
قبل ماتقري كتابك ليا
شفت حياتك دي بعنيا
من احساس صوتك ويايا
حسيت بيك وف ألف حكايه
قلت تعبت بظلم وغدر
عادي الناس تغدر وتغش
قلت انك عشت عذاب عمر
والدنيا صعبه ماتنعشش
فيه في حياتنا ناس بنشوفها
تخدعنا بكلام معسول
وأما حقيقتها بنعرفها
لازم ننساها علي طول
النسيان في حالات بيريح
لو مانستش اكيد تتجرح
عيش الدنيا دي سهله بسيطه
وانسي مشاكلها دي عبيطه
لازم تتفائل بالجاي
تتمني وتستني الحلم
من غير مابتحلم إزاي
حتعيش وتفسر للحلم
دنيتنا دي فيها وفيها
أي حاجات مش حلوه إخفيها
لو حتي شايفها بعنيك
سيبك منها وابعد عنها
لو حتدور فيك تلاقيك
عايش عيشه جميله عاديه
متوصلش لحاله نفسيه
ممكن تقضي عليك بسهوله
إبدأ يومك بأمل حلو
يحلي ساعتها الناس والجو
وأعرف انك شايفك ربك
يوم حيحاسبك علي أعمالك
خليك صح في سكه دربك
في الدنيا يصلح لك حالك٠
اتعود وانت في سنه أولي
تنسي كتابك لو فيه عذابك
وابدأ من تاني كتاب تاني
وتكون واعي من الصفحه الأولي٠
